6 mënyra për t'u rikthyer fuqishëm në punë pas pushimeve

6 mënyra për t’u rikthyer fuqishëm në punë pas pushimeve


Pas një periudhe të gjatë pune, ju patët mundësinë të shijoni disa ditë relaksuese. Pushimet më ushqime të veçanta, me kushte të rehatshëm, nuk do të donit që të mbaronin kurrë. Kthimi në punë është i pashmangshëm, prandaj në këtë artikull, ne ju sjelim disa këshilla se si të riktheheni fuqishëm në punë pas pushimeve tuaja.

Mos u ktheni në punë menjëherë pasi të keni mbaruar pushimet
Të gjithë ne jemi pak dembelë kur vjen fjala tek rikthimi në punë pas pushimeve. Nëse keni mundësi, shfrytëzoni dy ditë për t’u çlodhur, për të marrë veten para se të shkoni në zyrë. Edhe nëse nuk do të çlodheni, ju keni nevojë të rregulloni shtëpinë apo të kryeni disa veprime, të cilat nuk duhen anashkaluar. Por më e rëndësishmja është relaksimi. Përqendrohuni duke i dhënë kohë mendjes tuaj për t’u përshtatur. Nëse nuk e bëni këtë, do të ketë më shumë gjasa të lodheni dhe stresoheni kur të ktheheni në punë.

Lehtësoni rrugën tuaj për në punë
Një ditë para se të ktheheni në punë ose mëngjesin e kthimit në punë, merrni pak kohë për të planifikuar ditën tuaj. Bëni një listë të gjërave me gjithçka që duhet të bëni dhe jepuni përparësi gjërave që duhen të bëhen. Filloni me detyrat e vjetra që nuk i përfunduat para se të shkonit me pushime. Do t’ju japë një sens normaliteti. Përqëndrohuni në bërjen e asaj që dini të bëni dhe atë që kërkon kohën më të vogël për t’u bërë. Fillimi me detyra të vogla mund të forcojë besimin tuaj.

Lexo: Kur duhet të shkosh me pushime sipas shenjës së horoskopit

Sillni me vete një pjesë të vogël të pushimeve tuaja
Suveniret janë memorie të shkëlqyera personale që mund t’ju kujtojnë se është mirë të bëni pushim dhe të shijoni jetën. Në librin e saj, “Mitet e lumturisë”, profesorja e psikologjisë Sonja Lyubomirsky, ka zbuluar se rikujtimi i një udhëtimi, ju sjell kënaqësi të jashtëzakonshme. Ndjenjat pozitive të udhëtimit tuaj do të lejojnë që energjinë e pushimeve ta shndërroni në energji për punën tuaj.

Bashkëveproni me të tjerët edhe nëse nuk dëshironi
Disa bashkëpuntorë mund t’ju afrohen dhe të pyesin për pushimet tuaja. Rrëfimi i ekperiencës tuaj do të shkaktojë shumë alegri dhe humor tek kolegët tuaj. Ju nuk duhet të stepeni nga frika se do të duket sikur po mburreni ndaj kolegëve me eksperiencat e pushimeve tuaja. Një komunikim sa më miqësor do t’ju bëjë më të afërt me njëri-tjertin. Nëse jeni të shqetësuar se çfarë do të mendojnë njerëzit, filloni t’u bëni pyetje atyre për pushimet e tyre të ardhshme ose për një pushim të mëparshëm për të cilin ata kujtojnë. Do të habiteni se sa shumë njerëzit duan të flasin edhe për udhëtimet e tyre të kaluara. Bisedat si këto ju ndihmojnë të krijoni lidhje më të forta me bashkëpunëtorët tuaj.

Lexo: Kur është koha më e mirë e pushimeve për një sipërmarrës?

Shkoni në punë me një strategji të re
Krijoni një strategji se si do t’u drejtoheni klientëve tuaj për bashkëpunimet e ardhshme. Ndoshta keni qenë të tensionuar me një detyrë para se të shkoni me pushime sepse nuk mund ta bënit të funksiononte. Pasi të jeni larg prej saj për një kohë, mund ta shikoni atë ndryshe dhe të ofroni një perspektivë të re. Ndonjëherë ju duhet vetëm pak kohë për të marrë një hap të vogël në punën tuaj.

Bëni pushime gjatë ditës
Mos lejoni që faji t’ju detyrojë të besoni se duhet të punoni më shumë nga sa duhet sepse ishit larg. Jo vetëm ju bëtë pushime, edhe kolegët tuaj gjithashtu. Jini të sjellshëm me veten dhe mos harroni se i merituat pushimet tuaja dhe kohën e nevojshme për t’u relaksuar. Bëni një pushim prej pesë ose dhjetë minutash çdo tre orë. Mund të duket e pamundur, por do ta realizoni.

Inc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0