Festivali i 16 i “Tribeca Film”, i cili zgjat nga 19-30 Prill, do të shfaqë një sërë filmash, duke përfshirë dokumentarë dhe histori të shkurtra. Festivali pasqyron shumë tema, por Business Mag iu sugjeron këto pesë dokumentarë, të cilët do të frymëzojnë, edukojnë dhe ndoshta edhe do të trembin sipërmarrësit.
- “Can’t Stop, Won’t Stop: The Bad Boy Story”
Sean “Diddy” Combs, themeluesi i “Bad Boy Records”, rrëfen eksperiencën e tij në fillimet e shtëpisë diskografike, pasi u ribashkua me grupin e muzikantëve për një mikëpritje masive. Drejtori dhe producenti Daniel Kaufman shfaq gjurmët e tragjedive dhe suksesin e tij fantastik në Harmel dhe Brooklyn. Combs ofron një shfaqje në prapaskenë të bashkimit më të madh në historinë e hip hopit dhe ndikimin që kjo pati në muzikë, në botën e modës dhe kulturë.
- “Blurred Lines: Inside the Art World”
Ndonjëherë pyes veten se çfarë ndodh në biznesin e artit? “Blurred Lines” u tregon shikuesve universin e komplikuar përmes syve të lojtarëve më të mëdhenj të industrisë. Drejtori Barry Avrich shpjegon rolin e kuratorëve, shtëpive ankand dhe artistëve, ndërsa audienca shikon punët e brendshme të një profesioni që njihet për inovacionin dhe vlerat e saj.
- “Chris Gethard: Career Suicide“
Kur jeta bëhet e vështirë , përpiquni të gjeni pak humor. Kjo është ajo që e bëri Chris Gethard të luftonte me depresionin, alkoolizmin dhe shëndetin mendor. Në emisionin e tij, komediani na tregon betejat dhe përvojat më të paharrueshme personale. Ai tregon se ndërsa nuk ka zgjidhje të lehta për disa nga problemet më të vështira të jetës, e qeshura, familja dhe mbështetja mund të bëjnë një ndryshim të madh.
- “Get Me Roger Stone”
Vetëm për shkak se dikush është jo popullor nuk do të thotë se ai është i pafuqishëm. Roger Stone është i përfshirë në politikën Republikane që nga viti 1970 dhe ende është klasifikuar si një i huaj ndaj stabilitetit politik. Por mos e nënvlerësoni atë: Projekti i Stone ishte presidenti aktual Donald Trump, i cili është intervistuar në këtë film. Politika e tij e diskutueshme është refuzuar nga rrjedha konservatore, por kjo nuk e ka ndaluar atë nga të qenit i suksesshëm.
- “Wasted! The Story of Food Waste”
Përkundër gjithë energjisë së përkushtuar ndaj krijimit të ushqimit, rreth 1.3 miliardë ton ushqime hidhen çdo vit. Në këtë dokumentar, drejtorët Anna Chai dhe Nari Kye e adresuan çështjen globale dhe ofrojnë zgjidhje në përshtatjen e prespektivave të konsumatorit dhe ndryshimet në prodhimin e ushqimit. Anthony Bourdain, producent ekzekutiv dhe emrat më me ndikim të industrisë si Dan Barbar, Mario Batali, Danny Bowien dhe Massimo Bottura të gjithë kanë peshën e tyre në këtë çështje.
Këta dokumentarë do të shfaqen në të gjitha ekranet e teatrove në New York gjatë festivalit dhe do të jenë të disponueshme pas eventit.
burimi: INC
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto