Përdorni katër strategjitë e mëposhtme për të zbuluar pse punonjësit tuaj largohen, pavarësisht se cili është pozicioni i tyre:
Komunikoni drejtëpërdrejt me ta për të kuptuar arsyen
Mënyra më e lehtë dhe e shpejtë për të përcaktuar pse punonjësit largohen është të merrni një përgjigje të sinqertë prej tyre. Mund të jetë e vështirë për të pyetur dhe ju mund të ndiheni të gatshëm për të komunikuar me punonjësit, por është një mundësi e humbur nëse nuk i pyesni ata në mënyrë të drejtëpërdrejtë. Pavarësisht emocioneve tuaja në lidhje me situatën, ata po largohen nga shoqëria juaj dhe duhet të përpiqeni ta ndryshoni këtë situatë. Bisedoni me ta dhe mundohuni të kuptoni se çfarë i detyroi të merrnin vendimin e largimit.
Jepuni atyre hapsirë që të jenë të sinqertë me situatën. Komunikimi ballë për ballë ju mundëson t’i dëgjoni ata dhe të mësoni nga përvoja e tyre në biznesin tuaj.
Sillni në vëmendje disa raste të mëparshme të largimit nga puna
Ndoshta ju nuk jeni në gjendje të kuptoni arsyen se pse dikush zgjodhi të largohet nga stafi apo kompania juaj. Në këtë rast sugjerohet që të kujtoni të gjithë personat që janë larguar më parë nga ju dhe të mundoheni të analizoni rastet. Vetëm duke ballafaquar situatat do të mund të arrini të kuptoni arsyen që ai vetë mund të mos ua ketë treguar.
Lexo: Do të lini punën? Ja si të shkruani një shënim të përsosur për largimin tuaj
Pyesni për kompaninë tuaj
Bëni përpjekjet për të biseduar jo vetëm me punonjësit e larguar, por edhe me mbikëqyrësit, menaxherët, miqtë e tyre dhe të tjerët me të cilët mund të kenë ndërvepruar shpesh. Ndoshta dikush që ka qenë i afërt me personin që u largua mund të dijë të thotë diçka rreth kësaj gjëje. Gjithashtu, pyesni nëse ndonjë ngjarje e fundit, mund të ketë bërë që punonjësi juaj të largohet.
Kërkoni informacion se çfarë bëjnë ish-punonjësit tuaj pasi largohen
Pavarësisht nëse merrni ndonjë informacion mbi atë që ndodhi nga punëtorët e tjerë apo jo, është një ide e mirë të ndiqni ato që bëjnë ish-punonjësit tuaj më pas. Do të kuptoni se çfarë kanë bërë ata dhe me se po merren pasi u larguan nga ju. Ndoshta ata nuk u ndien të vlerësuar nga ekipi juaj. Nëse kthehen në shkollë ose regjistrohen në trajnime të tjera, atëherë ata ishin në kërkim të aftësive të reja dhe ju ndoshta nuk i keni mbështetur në këtë drejtim. Duke vëzhguar sjelljen në të ardhmen, ju mund të mblidhni informacione të dobishme dhe të zbuloni edhe shkaqet e rasteve të tjera të ngjajshme.
Mësoni nga punonjësit që largohen. Mund të jetë e kushtueshme dhe madje emocionuese për të përcaktuar se çfarë i bën individët të largohen nga biznesi juaj. Thënë kështu, vënia në punë dhe mësimi nga gabimet e së kaluarës, do t’ju ndihmojë të parandaloni që të njëjtat çështje të shfaqen përsëri. Do t’ju kursejë gjithashtu kohë dhe para të konsiderueshme gjatë rrugës, pasi nuk do të keni nevojë të rekrutoni vazhdimisht njerëz të rinj për të zëvendësuar ata që largohen.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
