Warren Buffett, CEO i Berkshire Hathaway, ka forcuar vendin e tij si, ndoshta, investitori më i madh i të gjitha kohërave. Nëse je student, adhurues ose ndjekës i Warren Buffett, e di gjithashtu se shumë nga këshillat e tij të suksesit shkojnë përtej investimit dhe synojnë t’ju ndihmojnë të jetoni një jetë më të suksesshme.
Lexoni: Ja si të dalloni menjëherë një punonjës të shkëlqyer, sipas Warren Buffett
1. Thuajini jo pothuajse çdo gjëje
Manjati dikur ka thënë: “Dallimi midis njerëzve të suksesshëm dhe njerëzve me të vërtetë të suksesshëm është se njerëzit me të vërtetë të suksesshëm thonë “Jo” për pothuajse çdo gjë”.
Shumica e njerëzve ambiciozë udhëhiqen nga rezultatet dhe bëjnë më shumë, jo më pak. Por, nga pikëpamja e vetë-ndihmës/kujdesit për veten, nëse mendoni se jeni duke marrë shumë përsipër dhe jeni etiketuar si “i varur pas punës”, këshilla “Jo” e Buffett-it duhet të godasë në shenjë. Kjo këshillë në praktikë mund të nënkuptojë t’u thuash jo shumë herë gjërave që nuk të shërbejnë dhe t’u thuash po atyre pak gjërave që kanë vërtetë rëndësi për të çuar përpara misionin tënd personal në jetë.
2. Përballuni me frikën tuaj
Buffett ka pasur frikërat e veta. Dikur ai kishte tmerrësisht frikë nga të folurit në publik. Kjo derisa ai bëri një kurs për të përmirësuar këtë aftësi shumë të rëndësishme biznesi. Që nga tejkalimi i frikës nga të folurit, ai është bërë një nga folësit më të cituar në botë.
Tani Buffett u jep ndjekësve të tij një mësim të paçmuar mbi guximin, thënë me katër fjalë të fuqishme: Përballuni me frikën tuaj.
Buffett i këshillon të rinjtë dhe të moshuarit që të mos lejojnë që frika t’i kufizojë ata në realizimin e gjërave që duhet të bëjnë për t’u bërë të suksesshëm.
3. Luani lojën e gjatë
Një nga këshillat e tij më të mira është të mbështeteni në besimin se gjëra të mira do t’u ndodhin atyre që presin. Me fjalët e tij, Buffett tha:
Pavarësisht se sa i madh është talenti apo përpjekjet, disa gjëra thjesht kërkojnë kohë. Nuk mund të lindësh një fëmijë në një muaj, duke lënë nëntë gra shtatzëna.
Në mënyrë tipike, ata njerëz të prirur për të bërë zgjedhje të nxituara dhe impulsive janë gjithashtu ata që fokusohen në përfitime afatshkurtra dhe kënaqësi të menjëhershme. Kjo është antiteza e mënyrës së Buffett.
Buffett beson fort në mësimin e rëndësishëm të ngadalësimit dhe të menduarit afatgjatë. Në fund, suksesi i vërtetë vjen nga fokusimi në ato veprime të qëndrueshme, të vogla dhe të qëndrueshme të përditshme që hapin rrugën drejt rezultateve afatgjata. Dhe armët tuaja më të mira në këto përpjekje janë durimi dhe disiplina.
4. Rrethojeni veten me njerëz më të suksesshëm se ju
Buffett ka përmendur vazhdimisht rëndësinë që mund të ketë mentorimi në zhvillimin e karrierës së dikujt, duke përfshirë edhe të tijën.
Përtej kësaj, Buffett gjithmonë ka këshilluar se suksesi mbështetet në rrethimin e vetes me njerëzit e duhur. Ai thotë: “Zgjidhni shokët, sjellja e të cilëve është më e mirë se e juaja dhe do të shkoni në atë drejtim.”
Ky është një mësim i mirë jetësor për përshtatjen e tipareve të njerëzve të suksesshëm larg jush. Sepse kur e bëni këtë, ju rrisni ndikimin dhe rrjetin tuaj. Siç thotë shprehja e famshme, ne jemi mesatarja e pesë njerëzve me të cilët kalojmë më shumë kohë. Sigurohuni që të shoqëroheni me ata që potencialisht mund t’ju ndihmojnë të mësoni gjëra të reja, të rriteni dhe të avanconi karrierën tuaj.
/inc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
