Lexoni: Si mund të rrisni produktivitetin dhe përqëndrimin në punë?
Pavarësisht nga një numër i madh i këshillave dhe artikujve si “How I Get It Done” që qarkullojnë online, disa prej nesh ende angazhohen në praktika që kufizojnë, në vend që të stimulojnë, produktivitetin tonë. Këtu janë tre zakone për të shmangur këtë, si dhe atë që duhet të bëjmë në vend të kësaj.
Ushqimi i drekës në lëvizje
Kur detyrat janë duke u grumbulluar ose nuk keni shumë kohë, mund të ndiheni të detyruar të hani drekë në tavolinën tuaj ose të rrëmbeni diçka të shpejtë gjatë rrugës për në takimin tuaj të ardhshëm. Ju mund të zgjidhni të mos hani drekë, që në atë moment mund t’ju duket diçka e mirë, por në të vërtetë do të rezultojë në një humbje të produktivitetit më vonë. Hulumtimet nga Universiteti i Illinois në Urbana-Champaign thonë se marrja e një pushimi të shkurtër mund të përmirësojë përqendrimin dhe fokusin në detyrat e zgjatura. Për më tepër, të hani me kolegët tuaj mund të jetë një mundësi e shkëlqyer për t’u lidhur me ta pa shpërqendrimin e ekraneve.
Prandaj, gjithmonë bëni një pushim dreke. Nëse ende e gjeni veten duke ngrënë në tryezën tuaj, mbyllni ekranin, madje edhe për pak minuta dhe bëni një përpjekje të ndërgjegjshme për t’u qetësuar. Hulumtimet nga Journal of Health Psychology tregojnë se ata që shmangin pushimet e tyre të drekës dhe hanë ndërsa janë duke punuar përfundojnë duke ngrënë një drekë të dytë të mëvonshme dhe mund të ndihen më pak të kënaqur fizikisht. Ngadalësimi i ritmit gjatë orës së drekës mund t’ju ndihmojë të ruani produktivitetin gjatë gjithë ditës tuaj.
Kultivimi i një liste to-do masive
Është një rutinë që shumë prej nesh e njohin shumë mirë: Ju uleni në tryezën tuaj në mëngjes, kontrolloni email-in tuaj dhe filloni të hartoni një listë të detyrave pa fund. Fillimisht, mund të ndiheni të frytshëm të keni një përshkrim të shkruar të gjërave që duhet të bëni dhe në shumë mënyra, është. Një studim i vitit 2018 tregon se listat e shkruara mund të na ndihmojnë t’i kujtojmë gjërat kur jemi të stresuar. Megjithatë, shkrimi i detyrave tuaja pa një ndjenjë prioritizimi mund të kufizojë në të vërtetë produktivitetin tuaj. Në vend që t’i shkruani gjërat pa qëllim, përpiquni të shkruani prioritetet tuaja në krye të listës suaj, duke alternuar midis detyrave stimuluese dhe atyre stresuese dhe ndoshta më e rëndësishmja, identifikoni detyrat me prioritet të ulët ose detyrat që mund të delegohen.
Lexoni: 4 mënyra për të përmirësuar produktivitetin e ekipit tuaj
Duhet gjithashtu të llogarisni kohën; një mënyrë për të bërë këtë është që të vendosni detyrat tuaja në kalendarin tuaj në mënyrë që të mund të qëndroni në orar dhe së pari të realizoni detyrat tuaja më të rëndësishme. Julie Morgenstern, një konsulent dhe autor për produktivitetin, thotë për The New York Times se duke vlerësuar sa kohë do të marrë për të përfunduar detyra specifike mund t’i bëjë listat tona më të menaxhueshme dhe më realiste. Zhvillimi i një metode të tillë do t’ju ndihmojë të jeni të vetëdijshëm për atë që ka më shumë rëndësi dhe për të mbajtur të organizuar ditën tuaj.
Të qenit jo rehat me mos realizimin e gjithçka
Kur fundi i ditës vjen, mund të ndiheni të zhgënjyer nëse nuk keni arritur gjithçka që dëshironit të bënit. Ndërkohë që fillimisht mund të ndiheni të frustruar, një detyrë e papërfunduar ose dy mund të jetë vërtetë një shenjë se ju me sukses keni realizuar gjërat që kanë prioritet. Ndoshta nuk keni qenë në gjendje të planifikoni një takim, por keni përfunduar një raport të rëndësishëm që do t’ju duhet për të nesërmen – në këtë rast, ju keni qenë në gjendje të realizoni detyrën tuaj më të rëndësishme dhe mund të planifikoni takimin ditën e ardhshme duke vendosur kështu një grup të ri prioritetesh.
Nëse nuk ndiheni rehat me këto, është koha që të riformatoni mentalitetin tuaj. Arianna Huffington, themeluese dhe CEO e Thrive Global, thotë se nëse plotësoni absolutisht çdo gjë që ju nevojitet për të bërë çdo ditë, kjo është një shenjë që puna jote mund të mos jetë mjaft sfiduese. Kini durim me veten dhe shmangni reagimin negativ kur nuk përfundoni dot diçka. Mos harroni se mos plotësimi i çdo gjëje është pjesë e procesit dhe në fund të fundit do t’ju ndihmojnë të rriteni.
Është e rëndësishme të kujtoni marrëdhënien e ngushtë midis produktivitetit dhe mirëqenies suaj. Duke ndërmarrë hapa për të përmirësuar marrëdhëniet në vendin e punës dhe duke u dhënë përparësi detyrave tuaja më të rëndësishme, sjelljet produktive do të bëhen pjesë e ditëve tuaja.
Lexoni: Si të maksimizoni produktivitetin?
burimi: ThriveGlobal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
