2019, rriten pagat në arsim, mjeksi e ushtri

2019, rriten pagat në arsim, mjeksi e ushtri


Mësuesit, mjekë e infermierë dhe punonjësit e ushtrisë kanë lajme të mira për vitin e ardhshëm.

Në një konferencë për mediat, kryeministri Edi Rama bëri të ditur se në buxhetin e vitit të ardhshëm po parashikohet rritje pagash dhe pensionesh.

Drafti, i cili ende po përgatitet, parashikon sipas Ramës, “rritje pagash në arsim, shëndetësi dhe ushtri. Në 2019-ën do të ketë edhe rritje të pensioneve”. Kryeministri nuk bëri të ditur sa do të jetë niveli i rritjes së pagave. Siç kishte lajmëruar një ditë më parë në Twitter, Rama tha se, “reformat po na krijojnë mundësi për rritje pagash dhe shpërblime”.

Buxheti i vitit të ardhshëm pritet të diskutohet me grupet e interesit para se të shkojë në parlament.

Ndërkohë, këtë muaj ka pasur ndryshime në buxhetin e vitit 2018. Këto ndryshime, parashikojnë shpërblime për pensionistët e shtresat në nevojë në fund të vitit, si dhe ndryshim  të taksave për madhësi e sektorë të ndryshëm biznesi.

Lexo: Ndryshon Buxheti 2018. Ministria e Financave: miratohet bonus për pensionistët

 

 

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0