2019 Nissan Leaf Nismo: A i pranuam zyrtarisht makinat elektrike?
Përditësuar së fundmi: 20/07/2018

2019 Nissan Leaf Nismo: A i pranuam zyrtarisht makina elektrike?

Share
nga Jon
Kor 20, 2018

A ka një Tesla sot në shitje me një timon me alcantara ashtu si Nissan Leaf Nismo? Duke ditur fokusin kryesor të Tesla që është thjeshte të prodhojë makina elektrike, duket se jo.

Leaf Nismo do të shitet vetëm në Japoni dhe mban mbi supe një emër jo pak të njohur për entuziastët e makinave. Tashmë, NISMO vjen e printuar edhe në një makinë elektrike.

Nissan kështu i ka dhënë një trajtim modelit të saj Leaf. Përsa i përket performancës, Nissan thotë vetëm se makina ka një kompjuter të modifikuar e cila do t’a ndihmojë makinë të përshpejtojë më shpejt. Por nuk mbaron me kaq. Edhe nga ana vizuale, Leaf Nismo, ka marrë një trajtim që e bën atë të duket pak më “vizionare”.nissan leaf nismo nissan leaf nismo nissan leaf nismo

Si në çdo produkt tjetër të Nismo, makina ka një body kit tjetër. Gjithashtu, edhe detajet e kuqe që simbolizojnë markën.

nissan leaf nismo

Detajet e kuqe vazhdojnë edhe në brendësi. Detajet e vogla të karbonit, bashkohen me alcantara në timonin me dyshemenë e sheshtë. Ky timon ka edhe një detaj të vogël i cili zakonisht është i rezervuar për makinat e pistave. Në “orën 12” të timonit, ndodhet një shirit i kuq, i cili tregon pozicionin e timonit.

nissan leaf nismo nissan leaf nismo

Nga ana tjetër, Leaf Nismo është e pajisur me disqe alumini me rezistencë të ulët 18-inch dhe me goma Continental ContiSportContact 5. Nissan thotë se ka bërë edhe disa ndryshime në sistemin e timonit të makinës. Gjithashtu edhe Electric Driven Intelligent Brakes, por nuk është futur më në detaje.

“2019 Nissan Leaf Nismo do të dalë në shitje në 31 korrik 2018 në Japoni. Ky, është një “mishërim” i makinës elektrike më të shitur, dhe modifikimeve nga Nismo për makinat e rrugës.” – u shpreh Nissan në një deklaratë për shtyp.

Nissan Leaf, është përgjigja e Nissan për konkurentë si Tesla Model 3 apo Chevrolet Volt. Leaf ka një bateri prej 40 kW/h, më pak se dy konkurentët e saj. Sipas raporteve, kjo mangësi do të korrigjohet tek Leaf E-Plus me 200 kuaj fuqi.

Por, mbi të gjitha, ajo përsëri mbetet një makinë elektrike dhe ka mangësitë e saj (shpirtërore, subjektivisht) me makinat e tjera hatchback, dhe patjetër Nismo.

Burimi: The Drive


Evente

Trajnim nga BERZH – Si të menaxhoni një kompani konsulence?

Tetor 29, 2018
- 30 Tetor, 2018 dhe 20-21 Nëntor 2018, ora 9:00 AM - 5:30 PM

Panairi i 21 i Librit “Tirana 2018”

Nëntor 14, 2018
– 18 Nëntor ora 08:00 - 21:00