Ekonomia shqiptare e ka mbyllur vitin me një rritje prej 3.84%. Vlerësimet e fundit të Institutit të Statistikave flasin për një rritje më të lartë krahasuar me vlerësimet paraprake. Edhe pse nuk ka pasur emra të rinj investitorësh të huaj në vlera të larta, investimet në gazsjellësin TAP kanë udhëhequr rritjen.
Sipas INSTAT, në tremujorin e fundit të vitit, ritmet e rritjes shënuan një ulje, krahasuar me tremujorët e mëparshëm. Ndaj një viti rritja ishte 3,36%. Sipas INSTAT kontributin kryesor në këtë rritje e kanë dhënë degët: Tregti Hotele dhe Restorante dhe Transporti me + 0,66 pikë përqindje, Administrata publike, Arsimi dhe Shëndetësia me +0,64 pikë përqindje, Ndërtimi me +0,53 pikë përqindje, Industria, Energjia dhe Uji me +0,45 pikë përqindje, etj.
Frenim për ekonominë ka ardhur nga aktiviteti i Informacionit dhe Komunikacionit me -0,23 pikë përqindje me të ardhura në rënie.
Sipas INSTAT, niveli i konsumit ka shënuar një rritje të dukshme, veçanërisht krahasuar me vitet e kaluara duke u rritur mbi 3.1%. Konsumi final i qeverisë u ul me 1,84%. Komponenti i formimit bruto të kapitalit fiks u rrit me 4,09%. Eksportet e mallrave dhe shërbimeve u ulën me 3,77%, ndërsa importet e mallrave dhe shërbimeve u rritën me 10,98 %.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English