Glasswing Ventures, themeluar nga shqiptarja Rudina Seseri, mbyll raundin e fondeve me 112 milionë dollarë - Business Magazine Albania

Glasswing Ventures, themeluar nga shqiptarja Rudina Seseri, mbyll raundin e fondeve me 112 milionë dollarë


Një vit pas marrjes së një investimi prej 75 milionë dollarësh për të investuar në kompanitë që janë në fazën e hershme të aplikimit të inteligjencës artificiale në industri të ndryshme, Glasswing Ventures ka mbyllur fondin e saj debutues me 112 milionë dollarë.

Është një arritje e rëndësishme për një firmë që pretendohet të jetë investitori më i madh në kompanitë që janë në fazën e hershme të përqendruar në machine learning në Bregun Lindor dhe një nga fondet më të mëdha që drejtohet nga femrat.

Lexoni: Sipërmarrësja shqiptare që po hap rrugën për të ardhmen e teknologjisë

Themeluar nga Rudina Seseri, me origjinë shqiptare së bashku me partnerin e saj Rick Grinnell dhe mbështetur nga Sarah Fay, Glasswing deri më tani ka investuar në tre startup-e: BotChain (një kompani e nxitur nga investimi i Glasswing në kompaninë e menaxhimit të IA, Talla); Allure Security, një kompani për zbulimin e kërcënimeve; dhe Terbium Labs, shërbimi i të cilëve paralajmëron kompanitë kur informacioni sensitiv ose i vjedhur i tyre shfaqet në internet.

Për Seserin dhe Glasswing, mbyllja e ngritjes së fondeve është në të vërtetë vetëm fillimi. Siç tha ajo në një deklaratë:

Ngritja e një fondi të fokusuar në IA në Bregun Lindor është vetëm fillimi për Glasswing Ventures. Ndërsa nisemi në një udhëtim për të formuar të ardhmen, ne jemi fokusuar për të investuar në themelues të jashtëzakonshëm, të cilët përdorin IA për të ndërtuar kompani inovative dhe për të transformuar tregjet. Përtej sigurimit të kapitalit, ne jemi të përkushtuar fuqimisht për të mbështetur sipërmarrësit tanë me të gjitha aspektet e ndërtimit dhe shkallëzimit të bizneseve të tyre.

Historia për Seserin dhe bashkëthemeluesin e saj, Grinnell, fillon pothuajse një dekadë më parë në firmën sipërmarrëse Fairhaven Capital.

Lexoni: Rudina Seseri për Forbes: Ja se si inteligjenca artificiale po ndihmon në rekrutimin e punonjësve

Në kohën e fillimit të firmës në vitin 2016, Glasswing po synonte 150 milionë dollarë për fondin e saj të parë, me një taksë menaxhimi prej 2.5 % dhe 20 % interesi (kushte mjaft të zakonshme për një fond sipërmarrës), sipas raportimit të Dan Primack kur ai ishte në Fortune.

Glasswing definitivisht përfiton nga afërsia me universitetet e Bostonit. Seseri, e diplomuar në Universitetin e Harvardit, mban lidhje të ngushta me komunitetin hulumtues si në Harvard dhe në MIT.

/TechCrunch

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0