Shteti indian i Madhya Pradesh ka vendosur një rekord të ri botëror të Guinness, pasi 1.5 milionë vullnetarë mbollën mbi 66 milionë fidanë pemë në vetëm 12 orë përgjatë lumit Narmada.
Lexoni: 6 mësime që ky themelues mori nga një fshat Indian, nga të cilat mund të mësoni dhe ju
Përpjekjet e tyre kaluan rekordin e mëparshëm të shtetit Uttar Pradesh, kur 800,000 pjesëmarrës kishin mbjellë 50 milionë pemë në vetëm një ditë në Korrik të vitit 2016.
Shivraj Singh Chouhan, kryeministri i Madhya Pradesh, mburret me arritjen duke thënë: “Unë jam jashtëzakonisht krenar që ndaj me ju lajmin se banorët e Madhya Pradesh kanë mbjellë me sukses 66 milionë fidanë pemë”.
Ngjarja masive e mbjelljes së këtyre fidanëve kishte për qëllim të rriste ndërgjegjësimin për planin “të bëjmë përsëri gjelbërimin e Indisë”. Në konferencën e ndryshimeve klimatike në Paris, India premtoi të rrisë sipërfaqen e pyjeve në 95 milionë hektarë deri në vitin 2030 dhe po investon 6.2 miliardë dollarë në këtë përpjekje.
Lexoni: Punonjësja e Google thyen rekordin për llogaritjen e shifrave të PI
“Unë jam shumë i lumtur për të gjithë ata që po mbjellin pemë sot”, shtoi Chouhan. “Ne do të kontribuojmë ndjeshëm në ruajtjen e natyrës. Duke marrë pjesë në një plantacion, njerëzit po kontribuojnë në iniciativat e ndryshimeve klimatike dhe ruajtjen e mjedisit”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English