Një punonjëse e Google nga Japonia ka vendosur një rekord të ri botëror për llogaritjen e PI (Numri π përkufizohet si raport i perimetrit të një rrethi me diametrin e tij. Vlera e tij e përafërsisht është 3.14). Emma Haruka Iwao, e cila merret me zhvillimin e website në Google, llogariti PI me 31,415,926,535,897 shifra, duke mundur rekordin e mëparshëm në vitin 2016 me vetëm 22,459,157,718,361 shifra.      

Edhe pse ajo po përdorte të njëjtin program y-cruncher për të llogaritur PI, avantazhi i saj ishte tek përdorimi i motorit kompjuterik nga Google bazuar në cloud.

Lexoni: Kreu i ri i Google: “Do të përfitojmë më shumë të ardhura nga cloud computing se nga reklamat

31 miliardë shifrat e PI morën 121 ditë dhe 25 makina llogaritëse virtuale për tu llogaritur. Ndërsa Peter Trueb, iu deshën vetëm 105 ditë për të përfunduar llogaritjen e rekordit të mëparshëm.

Për CNN ajo ka thënë se kjo ishte “ëndrra e fëmijërisë, një ëndërr e gjatë, për të thyer rekordin botëror për PI”.

Lexoni: Një komandë e re në Google ju tregon nëse fjalëkalimi juaj është i pasigurtë

NASA përdor rreth 15 shifra të PI për të dërguar anije kozmike në hapësirë, dhe për matjen e dallueshme të perimetrit të Universit me preçizionin e vetëm një atomi, llogariten vetëm 40 shifra.

Ndërkohë, Google ka fituar titullin e Guinness World Records.

(Simboli π u vendos në vitin 1706 nga matematikani anglez William Jones (lexo : Uilliam Xhons) si gërma e parë fjalës greke περίμετρος (perimetros), domethënë përmasa përqark ose përreth. Gjatë historisë së matematikës janë bërë përpjekje të shumta për ta kuptuar më mirë natyrën e këtij numri. Përdorimi i tij njihet që nga antikiteti dhe nuk e ka humbur asnjëherë rëndësinë e tij. Përkundrazi, shumë formula nga matematika, (analiza matematike, trigonometria, stereometria, etj) apo fizika dhe inxhinieria përmbajnë numrin π. Koncepti i tij është sa i thjeshtë, aq edhe interesant.

“Të eksplorosh π, është njësoj si të eksplorosh Universin” (David Chudnovsky).

/TheVerge