Më shumë se 300 milionë njerëz përdorën aplikacionin e video-konferencave Zoom me 21 Prill, një rritje 50% nga 200 milionë përdorues të përditshëm në fillim të muajit, tha CEO Eric Yuan.
Lexo: Diskutohet dhe ratifikohet sot në Kuvend: Protokolli Shtesë për Tregtinë në Shërbime
“Është e qartë. Platforma Zoom po ofron një shërbim tepër të vlefshëm për përdoruesit tanë të dashur gjatë kësaj kohe sfiduese,” tha Yuan. “Jemi të emocionuar dhe të nderuar që vazhdojmë të fitojmë besimin e kaq shumë ndërmarrjeve, spitaleve, mësuesve dhe klientëve në të gjithë botën”.
Ndërsa bllokimet e koronavirusit kanë detyruar më shumë njerëz që t’u drejtohen aplikacioneve të video-konferencave për të vazhduar punën nga shtëpia, si dhe të qëndrojnë në kontakt me miqtë dhe familjen, Zoom ka dalë si platforma mbizotëruese.
Popullariteti i Zoom është rritur shumë gjatë javëve të fundit edhe pse kompania po përpiqet të zgjidhë skandale të ndryshme të privatësisë, sikurse një praktikë e quajtur “Zoom bombing”, ku hakerat kanë ndërhyrë në konferencat e përdoruesve, duke i shqetësuar ata. Kompania gjithashtu ka dërguar të dhëna analitike në Facebook, pa paralajmëruar përdoruesit. Ndaj për të pati një padi lidhur me ndarjen e të dhënave.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
