Zhvlerësimi më i madh i euros ndaj lekut

Zhvlerësimi më i madh i euros ndaj lekut


Euro është zhvlerësuar me ritme të shpejta ndaj lekut, duke rënë në nivelin më të ulët të 3 viteve të fundit. Sipas Bankës së Shqipërisë, aktualisht monedha europiane këmbehet me 137.91 lekë dhe kjo është hera e parë, që nga gushti i vitit 2012, kur ajo bie nën kuotën 138 lekë.

“Duke vënë re që të dhënat makroekonomike në Eurozonë nuk janë përmirësuar, kemi pasur reagime nga Banka Qendrore Europiane dhe pritet që të hedhë likuiditet ende”, tha Rinald Gjyli, zv.drejtor i Thesarit, “Credins Bank”.

Por, veç shkaqeve të jashtme, këtë herë euro po bie ndaj lekut edhe për shkaqe të brendshme. Dhe sipas ekspertëve, dobësimi i monedhës europiane mund të vazhdojë.

“Për shkak edhe të normave të interesit të depozitave në lek, që janë më lart se normat e interesit të ofruara për depozitat në euro, do të ketë ndryshim edhe më tej. Shumë investitorë do të kthejnë euron në lek dhe për pasojë do të kemi një forcim të mëtejshëm të lekut. Ka hapësira për këtë”, shtoi më tej Rinald Gjyli.

Por teksa euro humbet pikë, monedha tjetër kryesore e botës, dollari amerikan ka shënuar rekorde të tjera. Aktualisht, sipas Bankës Qendrore, një dollar këmbehet me 129.2 lekë.

“Ka shumë zëra nga fondet ndërkombëtare, që pritet një rritje e normës bazë të interesit në Amerikë, që pritet të ndodhë gjatë javës së parë të muajit dhjetor, në takimin e Bankës Qendrore amerikane, të njohur si Rezerva Federale. Kjo gjë, menjëherë dhe automatikisht do të forcojë edhe më tej dollarin amerikan. Në këtë krah kanë lëvizur të gjitha fondet ndërkombëtare, investimet më të mëdha, investitorët individë”, deklaroi Gjyli.

Rënia e euros ka disa efekte në ekonomi. Ajo lehtëson ata, që kanë kredi në monedhën europiane, por nga ana tjetër godet eksportet e kompanive shqiptare dhe favorizon importet nga vendet e BE-së, duke zgjeruar defiçitin tregtar.

/Top-Channel/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #35 - Qershor 2024

Ja si sipërmarrës të guximshëm përmes inovacionit ndikojnë industri të tëra!

 

Ky numër i revistës mund të quhet numri i dedikuar sipërmarrësve, nismëtarëve dhe inovatorëve. Atyre të cilët me guxim, këmbëngulje dhe me risi nxisin transformimin e industrive me ndikim në jetët tona. Këto përvoja, sfida, ide të reja, aplikime dhe bashkëpunime të tyre, vijnë nëpërmjet Business Mag Albania, nr. 35. 

Për ty, që po e mban në dorë këtë revistë, kemi diçka të re! Tani mund të dëgjosh me zë artikujt që lexon tek BusinessMag. 

Në partneritet me Nullius in Verba, sjellim një mënyrë revolucionare për të konsumuar përmbajtjen. Falë teknologjisë së avancuar të AI, tani mund të dëgjoni me zë artikujt tuaj të preferuar në çdo kohë dhe vend, duke ju lejuar të informoheni ndërsa jeni në lëvizje. Ky bashkëpunim inovativ pasqyron përkushtimin tonë për të mbështetur sipërmarrjen dhe zhvillimin e modeleve të suksesshme, duke sjellë përvojë të re dhe vlerë të shtuar për ju si lexues. Skano kodet QR në çdo artikull dhe shijo nga kudo që të jesh një format të ri, mundësuar nga Inteligjenca Artificiale, aplikuar nga një …

Shiko më shumë
Na ndiqni në rrjetet sociale
0