Zhvillohet konferenca “Rritja e pjesëmarrjes së SME-ve në programet e Bashkimit Europian”

“Rritja e pjesëmarrjes së SME-ve në programet e Bashkimit Europian, COSME dhe Horizont 2020, si dhe bashkëpunimi Qeveri-Akademi-Biznes” ishte tema e konferencës të organizuar në datë 27 shkurt 2017 nga Ministria e Zhvillimit Ekonomik, Turizmit, Tregtisë & Sipërmarrjes, Ministria e Arsimit & Sportit, Agjencia Shqiptare e Zhvillimit të investimeve (AIDA), Agjencia Kombëtare e Kërkimit Shkencor & Inovacionit (AKKSHI) dhe Rrjetit Europian të Ndërmarrjeve- Albania (EEN-Albania), me mbështetjen e Projektit të Asistencës Teknike për Programet Europiane.

Në këtë konferencë, Znjsh. Migena Muslli, si përfaqësuese e AIDA-s, u ndal veçanërisht tek Rrjeti Europian i Ndërmarrjeve dhe mundësia që ky rrjet u jep SME-ve për të bashkëpunuar dhe shkëmbyer eksperiencat e tyre.

AIDA kryeson konsorciumin e Rrjetit Europian të Ndërmarrjeve për Shqipërinë (EEN-Albania), i cili ka si qëllim të rrisë bashkëpunimin mes bizneseve, bashkëpunimin teknologjik dhe atë kërkimor, si dhe përfshirjen e institucioneve të ndryshme në nivel kombëtar dhe rajonal.

EEN Albania është një mundësi e shkëlqyer për SME-të shqiptare për të gjetur partnerë strategjikë, përfshirë partnerë për trasferim teknologjie dhe inovacion, si dhe zgjerimin në tregje të reja.

burimi: AIDA