Samsung Electronics ka njoftuar rikthimin e Bespoke Home 2022, ekspozita e dytë globale që nxjerr në pah pajisjet inovative elektroshtëpiake më të fundit nga Samsung. Ngjarja e këtij viti do të bazohet në tre tema kryesore që lidhen me zgjerimin – të hapësirës, përvojës dhe kohës. Samsung do të nxjerrë në pah se si Bespoke po e çon më tej shtrirjen e tij globale dhe po tejkalon kufijtë e kuzhinës, se si eksperiencat e jetës po zgjerohen përmes komoditetit dhe fleksibilitetit dhe se si Bespoke po zgjeron ciklin e jetës së pajisjeve duke i lejuar klientët të shijojnë produktet Bespoke më gjatë.
“Në Bespoke Home 2021, ne zbuluam pajisje elektroshtëpiake që u ofronin klientëve personalizim përmes funksionalitetit fleksibël dhe jetesës së lidhur,” tha Kanghyup Lee, Shefi i Ekipit të Shitjeve dhe Marketingut të Biznesit të Pajisjeve Digjitale në Samsung Electronics. “Këtë vit, ne jemi të lumtur të tregojmë se si Bespoke po zgjerohet për t’u ofruar konsumatorëve përvoja të reja brenda dhe jashtë kuzhinës, komoditet edhe më të lidhur dhe përpjekjet tona drejt qëndrueshmërisë.”
Zgjerimi i hapësirës
Linja e pajisjeve Bespoke po prezantohet në gjithnjë e më shumë familje në mbarë botën dhe së shpejti pajisjet Bespoke do të jenë të disponueshme në më shumë se 50 vende. Përveç kësaj, Samsung do të zgjerojë linjën e tij të produkteve Bespoke në të gjithë shtëpinë, me kategori të ndryshme produktesh të pajisura me funksione të përmirësuara dhe opsione të reja ngjyrash.
Në thelbin e tij, dizajnet në zhvillim të Bespoke kanë për qëllim të frymëzojnë konsumatorët për të krijuar shtëpi të personalizuara që pasqyrojnë vërtet shijet dhe estetikën e tyre të ndryshme, pavarësisht se ku mund të jetë shtëpia e tyre. Me etikën e zgjerimit të hapësirës, Bespoke po e sjell atë vizion në jetë.
Lexo: Numri i ndërmarrjeve me kapital të huaj u rrit në 2021-in
Zgjerimi i eksperiencës
Ndërsa përvojat e ndërlidhura në shtëpi kanë kaluar nga risia në ndërveprimet e përditshme, Bespoke po thjeshton këtë proces duke bashkuar gjashtë shërbime – gatim, energji, kujdesi për veshjet, kujdesi për kafshët, kujdesi për ajrin dhe kujdesi në shtëpi. Së bashku me këtë, një shërbim i përditësuar Family Hub i shoqëruar me inteligjencë artificiale të përmirësuar po sjell komoditet të automatizuar në jetën e përdoruesve.
Zgjerimi i kohës
Pas zgjerimit të hapësirës dhe përvojës, Samsung po krijon zgjidhje të qëndrueshme për produktet gjatë gjithë ciklit të tyre të jetës, nga dizajni i produktit deri te asgjësimi.
“Zgjerimi i kohës është një pjesë e vizionit tonë që lidhet me “qëndrueshmërinë e përditshme” që Samsung prezantoi në CES 2022. Ne po bëjmë përpjekje për ta vendosur qëndrueshmërinë në qendër të gjithçkaje që bëjmë dhe për të ndërtuar inovacion eco-conscious në çdo aspekt të ciklit të jetës së produktit – nga prodhimi dhe shpërndarja te përdorimi dhe asgjësimi i produktit – në mënyrë që konsumatorët tanë të mund të jetojnë një jetë më të qëndrueshme të përditshme përmes përvojave të tyre me produktet Bespoke.” – JaeSeung Lee, President & Shef i Biznesit të Pajisjeve Dixhitale, Samsung Electronics
Ju mund të mësoni më shumë rreth eventit në Bespoke Home Media Day të caktuar për 7 qershor në orën 16:00 CEST. Ngjarja Bespoke Home Media Day 2022 do të transmetohet në kanalin global të Samsung në YouTube, Samsung Newsroom dhe Samsung.com.
Për më shumë informacion, vizitoni Samsung.com dhe Samsung Newsroom.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
