Yjet vijnë në Shqipëri! Ambasadori i kulinarisë shqiptare në botë pret Vitin e Ri në një restorant Michelin Guide në SHBA - Business Magazine Albania

Yjet vijnë në Shqipëri! Ambasadori i kulinarisë shqiptare në botë pret Vitin e Ri në një restorant Michelin Guide në SHBA


Ravajol Hasani, ambasadori i kulinarisë shqiptare në botë, me projektin e tij të ri në Tiranë do të firmosë menunë e tij të parë, e cila do të lançohet në muajt e parë të vitit ku të gjithë do të kenë mundësinë të provojnë pjatat e tij të reja pranë ambienteve të Stela Resort.

Ai nuk e lë  Shqipërinë jashtë planeve të tij. Vjen herë pas here në Tiranë ku angazhohet me projekte të ndryshme.

Me angazhime në restorante në mbarë botën nga Amerika në Europë ai nuk harron Tiranën duke thënë se dëshiron që standardet dhe cilësia e gatimit duhet të rriten në çdo gjë deri në detaj.

Lexoni: Ravajol Hasani, ambasadori i kulinarisë shqiptare në botë, vjen me projektin e tij të parë në Shqipëri

Ravajoli kohët e fundit është vlerësuar nga Parisi si Ambasador i Qipros mes 100 ambasadorëve në të gjithë botën. “Ky çmim është një vlerësim i veçantë për mua”, thotë Ravajoli.

Për Vitin e Ri ai do të jetë në Çikago, SHBA ku është ftuar të gatuajë për personazhet vip. Restoranti ku Ravajoli do të gatuajë është në listën e Michelin Guide. “Ky do të jetë një nga momentet më të veçanta të jetës sime, sepse më plotësohet ëndrra të jem pjesë i një eventi të tillë”.

Njoftimin për këtë Ravajoli e ka dhënë vetë në profilin e tij të facebook duke thënë “Miq dhe kolegë, jam shumë i emocionuar dhe i lumtur njëkohësisht për këtë celebrim gastronomik. Ndihem shumë krenar që për Vitin e Ri do ndodhem në Chicago, USA për një event gastronomik të jashtëzakonshëm të një prej restoranteve më të vlerësuara dhe pjesë e listës Michelin Guide. Do marr pjesë për herë të parë në karrierën time dhe prisja një jetë për këtë vlerësim. Falenderoj pafund të gjithe ju që më keni përkrahur në çdo hap të këtyre viteve”.

Ky është një vlerësim jo vetëm për Ravajolin, por edhe për kombin tonë, duke nxjerrë në pah se asgjë nuk është e pamundur dhe se një shqiptar mund të jetë pjesë e gastronomisë botërore.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0