Wikipedia po vazhdon të përdoret gjerësisht, por studiuesit paralajmërojnë se mbledhja masive e të dhënave nga AI po krijon sfida për të ardhmen e enciklopedisë online. Sipas një studimi të kryer nga King’s College London, Wikipedia po reziston edhe në epokën e inteligjencës artificiale. Enciklopedia falas, e lansuar në vitin 2001, ka qenë shpesh subjekt i parashikimeve që e parashikonin “vdekjen” e saj për shkak të rritjes së mjetëve AI, si ChatGPT. Studimi tregon se përdoruesit vazhdojnë të konsultojnë Wikipedia-n, megjithëse mbledhja masive e të dhënave nga AI dhe ndryshimet në mënyrën se si njerëzit marrin informacion krijojnë sfida për platformën.
Aktiviteti i përdoruesve mbetet i qëndrueshëm
Analiza, publikuar në revistën ACM Collective Intelligence, përfshiu 12 versione gjuhësore të Wikipedia-s, gjashtë me akses ChatGPT dhe gjashtë pa të për periudhën janar 2021 deri janar 2024.
Rezultatet treguan se aktiviteti nuk u ul gjatë 36 muajve; madje u vërejt një rritje në numrin e vizitorëve dhe shikimeve të faqeve në të gjitha gjuhët, edhe pse rritja ishte më e vogël në gjuhët ku ishte i pranishëm ChatGPT.
Lexo edhe: Future2Tech 2025, mbi 5000 vizitorë dhe mbështetje për startup-et dhe bizneset
Megjithatë, nuk u gjet asnjë provë që ChatGPT të kishte reduktuar numrin e redaktimeve apo të redaktorëve. Studiuesit vunë në dukje gjithashtu disa kufizime, përfshirë përdorimin e VPN-ve që mund të tejkalonin kufizimet e ChatGPT dhe popullaritetin e ndryshëm të mjetit në vende të ndryshme.
Sfida e ardhshme nga AI
“Zhvilluesit e AI po përdorin scraper-et e tyre mbi Wikipedia-n për të trajnuar modelet me të dhëna të cilësisë së lartë, duke e çuar trafikun në nivele ku serverët e Wikipedia-s po përballojnë vështirësi,” tha Elena Simperl, profesoreshë e informatikës dhe bashkëdrejtore e King’s Institute for Artificial Intelligence.
Ajo shtoi se përmbajtjet e gjeneruara nga AI shpesh përdorin informacion nga Wikipedia pa e kreditruar atë, duke zhvendosur trafikun e internetit larg enciklopedisë online.
Neal Reeves, autori i parë i studimit, sugjeron një “kontratë të re sociale” mes kompanive të AI dhe Wikipedia-s, ku platforma të ruajë kontrollin mbi përmbajtjen e saj, duke lejuar përdorimin për trajnimin e modeleve AI.
Në të njëjtën ditë, Wikimedia Deutschland njoftoi Wikidata Embedding Project, një bazë të dhënash që e bën më të lehtë qasjen në përmbajtjen e Wikipedia-s, duke mundësuar përdorimin e informacionit të verifikuar nga redaktorët për trajnimin e modeleve AI.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
