Por tani shërbimi i mesazheve po teston një funksionalitet të ri që do ta bëjë menaxhimin e bisedave tuaja shumë më të thjeshtë.
“Android Police” njofton se WhatsApp po teston një veçori që do t’ju lejojë të bëni pin bisedat, duke i mbajtur ato në krye të listës së bisedave edhe nëse merrni mesazhe nga përdorues të tjerë.
Për të bërë pin një bisedë, përdoruesit duhet të mbajnë shtypur bisedën dhe një logo e pin do të shfaqet në shiritin e sipërm së bashku me logot e fshirjes (delete), mute dhe arkivave (archive). Përdoruesit mund të bëjnë pin deri në tre biseda dhe lehtësisht mund të heqin pin-in nga ndonjëra prej tyre për të shtuar një tjetër.
Funksionaliteti është duke u testuar në versionin beta të aplikacionit Android, të cilin përdoruesit mund ta marrin duke zgjedhur grupin beta këtu. Meqë funksionaliteti është vetëm në versionin beta, nuk ka asnjë garanci se do të përdoret për të gjithë përdoruesit, por për hir të mesazheve tona të humbura, sigurisht që shpresojmë që kjo të jetë e aksesueshme nga të gjithë.
burimi: Mashable
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
