WhatsApp ka ndërmarrë një hap tjetër drejt prezantimit të një prej veçorive më të kërkuara, aftësisë për të përdorur aplikacionin në shumë pajisje me të njëjtin numër telefoni. Me anë të një raporti nga WABetaInfo, aplikacioni ka prezantuar një menu të quajtur ‘Linked devices’ e cila do t’ju lejojë të menaxhoni dhe të shtoni 3 pajisje të tjera të lidhura me numrin tuaj të regjistruar në WhatsApp.
Kjo është aktualisht në zhvillim e sipër. Pra, nuk ka asnjë informacion se kur do të jetë në dispozicion të përdoruesve. Tani për tani, WhatsApp ju lejon të përdorni aplikacionin në desktop përmes WhatsApp për Web, por telefoni juaj duhet të jetë i lidhur në internet. Shpresojmë se veçoria e re e pajisjeve të lidhura do t’ju lejojë të përdorni aplikacionin në pajisjet e tjera kur telefoni juaj nuk është i lidhur me internet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
