Webinar, Sfida e të punuarit në distancë

Webinar, Sfida e të punuarit në distancë


Pandemia e virusit Corona, ka detyruar shumicën e bizneseve të mbyllin aktivitetet fizike dhe të punojnë remote nga shtëpia. Njerëzit janë mësuar të punojnë në zyrë, prandaj organizatat nuk ishin përgatitur për një ndryshim të tillë rrënjësor. Në situatën aktuale, organizatat, ekipet dhe njerëzit do të eksperimentojnë më shumë me punën virtuale.

Punëdhënësit janë përballë një sfide të vështirë sepse po u rrezikohet biznesi, nuk janë në kontakt të drejtpërdrejtë me punonjësit dhe po përballen edhe me sfidën ekonomike. Nga ana tjetër, punëmarrësit rrezikojnë vendin e punës dhe si pasojë të pagës. Ashtu si e gjithë bota, me këtë situatë po përballet edhe Shqipëria.

Duke qenë se kanë lindur shumë pyetje për mënyrën e funksionimit të bizneseve tani e tutje, Programi i Inkubimit dhe Akselerimit Hap!de do të zhvillojë një webinar lidhur me të punuarit në distancë. Diskutimi do të përqendrohet tek disa pyetje kyç:

  • A jemi të përgatitur sa duhet për këtë mënyrë të punuari?
  • Çfarë do të thotë për punëmarrësin dhe për punëdhënësin të punosh në distancë?
  • Çfarë mund të bëjnë ata që të përgatiten sa më mirë për këtë mënyrë të punuari relativisht të re, për shumë prej bizneseve shqiptare?

Panelistët janë:

Dritan Mezini, sipërmarrës, themelues dhe drejtor ekzekutiv i “DM Consulting Services” në Shqipëri dhe Kosovë, bashkë-themelues i portalit online të punës dhe karrierës duapune.com.

Gerti Boshnjaku, bashkë-themelues dhe drejtues i “New Media Communications”, kompani komunikimi marketingu dhe zhvillime aplikacionesh online.

Paneli do të moderohet nga Zen Marku.

Webinari do të zhvillohet ditën e enjte, 19 mars 2020, ORA 15:00 – 16:00.

Për t’u regjistruar falas në webinar, klikoni këtu.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0