Warren Buffett: “Të investosh tek vetja është rruga më e mirë drejt suksesit. Ja 3 mënyra të zgjuara për ta arritur këtë.” - Business Magazine Albania

Warren Buffett: “Të investosh tek vetja është rruga më e mirë drejt suksesit. Ja 3 mënyra të zgjuara për ta arritur këtë.”

Mjeshtëri i Omaha-s beson se suksesi mund të arrihet më thjesht nëse bëni këto tri investime të zgjuara tek vetja juaj. Warren Buffett ka grumbulluar miliona njerëz që kanë mësuar, si Buffett, se suksesi arrihet duke marrë vendime të mençura për investime. Por këto vendime mund të mos kenë asnjë lidhje me aksionet dhe obligacionet. Në një intervistë të vitit 2019 me kryeredaktorin e Yahoo Finance Andy Serwer, Buffett tha: “Deri më tani investimi më i mirë që mund të bëni është te vetja juaj”.

Ky mund të jetë mësimi më i vlefshëm nga të gjithë mësimet e mjeshtërit të Omaha-s. Të shfrytëzosh sa më shumë investimet e tua do të thotë të mos pushosh kurrë së marri njohuri, lloji i njohurive që ju vlejnë më shumë për përmirësimin e vetes si person, jo vetëm si një investitor.

Lexo: 4 zgjedhje në jetë i ndajnë ata që veprojnë nga ata që ëndërrojnë

Këtu janë tre mënyra për ta bërë këtë:

Investoni në përmirësimin e aftësive tuaja të komunikimit.

Në një video të postuar në LinkedIn, Buffett tha: “Nëse nuk mund të komunikosh, është si t’i shkelësh syrin një vajze në errësirë, asgjë nuk ndodh. Ju mund të keni të gjithë fuqinë e trurit që ekziston në botë, por duhet të jeni në gjendje ta transmetoni atë. Dhe transmetimi është komunikim.

Ai shtoi se investimi në zhvillimin e aftësive tuaja të komunikimit, si me shkrim dhe personalisht, mund të rrisë vlerën tuaj me të paktën 50 përqind.

Investoni në përmirësimin e aftësive tuaja drejtuese.

Buffett nuk bën shkurtime të këshillave për udhëheqësit e suksesshëm. Ai na ka treguar për rëndësinë e një tipari të panegociueshëm që duhet të ekzistojë në çdo udhëheqës: integritetin. Mjeshtëri i Omaha-s një herë ka thënë:

-“Ne kërkojmë për këto tri karakteristika kur punësojmë njerëz. Ne kërkojmë inteligjencë, iniciativë ose energji dhe integritet. Dhe nëse nuk e kanë këtë të fundit, dy të parët do t’ju vrasin, sepse nëse do të punësoni dikë pa integritet, do t’i dëshironit ata dembelë dhe memecë.”

Tony Simons në Integrity Dividend argumenton për integritetin si karakteristikën mbizotëruese që “prek çdo aspekt të biznesit tuaj”. “Kur praktikohet në formën e saj më të mirë, integriteti rrit vlerën e biznesit dhe nxit përfitimin.”,- thotë Simons.

Lexo: 4 Libra klasikë të biznesit të rekomanduar nga Jeff Bezos, Bill Gates dhe Mark Zuckerberg

Investoni në përmirësimin e marrëdhënieve tuaja të biznesit.

Një nga strategjitë më të mira për sukses është të rrethoheni me njerëzit e duhur. Buffett foli me disa studentë të kolegjit disa vite më parë dhe tha: “Ju do të lëvizni në drejtim të njerëzve me të cilët shoqëroheni. Prandaj është e rëndësishme të shoqëroheni me njerëz që janë më të mirë se ju.”

Siç thotë thënia e famshme, më thuaj me kë rri, të të them cili je.

Sigurohuni që të shoqëroheni me ata që janë më përpara jush në jetë, të cilët potencialisht mund t’ju ndihmojnë të mësoni gjëra të reja, të rriteni dhe të përparoni në karrierën tuaj.

Mundimi gjatë gjithë jetës i Buffett për të mësuar dhe investuar në vetvete, të cilën ai e ndan me partnerin dhe kolegun e tij të vjetër në Berkshire Hathaway, Charlie Munger, është ingredienti i fshehtë i suksesit të tij.

INC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0