Volvo me strategji të re. Tërhiqet nga 2019 Geneva Motor Show
Përditësuar së fundmi: 13/06/2018

Volvo me strategji të re. Tërhiqet nga 2019 Geneva Motor Show

Share
nga Jon
Qer 13, 2018

Volvo është kompania më e fundit, e cila tërhiqet nga një event i madh makinash. Këtë herë, jo nga Detroit ku Audi dhe BMW kanë publikuar lajmin e mospjesëmarjes.

Kompania suedeze anuncoi se po rikoncepton mënyrën se si do t’i promovojë makinat. Për këtë, i duhet që të shkëputet nga pjesëmarrja në evente të mëdha, si rasti i Geneva Motor Show.

Në vend që t’i prezantojë makinat në stenda të mëdha dhe të shtrenjta, ku mund të humbë vëmendjen nga prezantimet e konkurentëve, Volvo do të synojë për evente më të mbledhura, si prezantimi i XC40 në 2017 Milan Fashion Week. Ose prezantimi i Volvo V60 pranë një shtëpie luksoze e të bukur. Kjo, krijon idenë se çfarë përfaqëson makina, dhe të jep një pjesë të eksperiencës.

volvo

Sipas Björn Annwall, drejtues për stategjinë, markimin, dhe shitjen me pakicë  pranë Volvo, u shpreh se “Pjesëmarrja “automatike” në eventet tradicionale nuk është më diçka që ia vlen. Ne duhet ta “thurim” komunikimin tonë të bazuar se si opsionet tona plotësojnë mesazhin, fazën, dhe teknologjinë që ne jemi duke prezantuar.”

Gjithsesi, Annwall  nuk e përjashtoi plotësisht Volvo-n nga çdo event tjetër i madh autmobilistik. “Ne nuk po themi se nuk do të marrim më kurrë pjesë në evente të tilla. Presim që evente si Geneva Motor Show të zhvillohen. Ndoshta ne do të kthehemi në një të ardhme” vazhdoi ai.

Ky lajm vjen pasi shumë kompani u shprehen se nuk do të marrin pjesë në Detroit Motor Show vitin që vjen. Emrat në fjalë, nuk janë emra edhe aq të vegjël. Bëhet fjalë për, Mercedes, BMW, Audi, Mazda, Porsche, Mitsubishi, Jaguar Land Rover dhe Volvo gjithashtu.


Evente

Trajnim nga BERZH – Si të menaxhoni një kompani konsulence?

Tetor 29, 2018
- 30 Tetor, 2018 dhe 20-21 Nëntor 2018, ora 9:00 AM - 5:30 PM

Panairi i 21 i Librit “Tirana 2018”

Nëntor 14, 2018
– 18 Nëntor ora 08:00 - 21:00