Gjenerata e ardhshme e Volkswagen T-Roc do të jetë makina e fundit që do të ketë motor me djegie. Modeli i ri i makinës pritet të lancohet në 2025-ën dhe më pas do të jetë tërësisht elektrik.
Bashkë me të modelet e fundit që do përfshijnë motorë me djegie të brendshme është Volkswagen Passat i ri, Volkswagen Tiguan i ri dhe Volkswagen Golf i rikonceptuar.
Passat do të dalë në treg në vitin 2025, ndërsa Tiguan dhe Golf, janë duke u përgatitur për debutimin e vitit 2024.
Gjiganti gjerman mohoi se po planifikonte një crossover të ri elektrik të modeluar, pasi u zbulua se kishte paraqitur një regjistrim të markës tregtare ‘ID Roc’ me autoritetet gjermane.
Lexo edhe: Volkswagen do të investojë edhe 193 miliardë dollarë për makinat elektrike
Një zëdhënës konfirmoi planet e kompanisë për të krijuar një pasardhës të T-Roc, i prezantuar fillimisht në 2017 dhe tani i bërë modeli SUV më i shitur në Evropë, dhe me më shumë vetura të tilla të regjistruara midis vitit 2021 dhe 2022, në krahasim me modelin Golf.
SUV-ët tjera të vegjël nën ombrellën e Grupit Volkswagen, duke përfshirë Tiguan, Seat Ateca dhe Cupra Formentor, kanë përjetuar gjithashtu rritje në blerje.
T-Roc aktual është i disponueshëm me një zgjedhje të motorëve 1.0-litërsh me tre cilindra dhe 1.5-litërsh dhe 2.0-litërsh me katër cilindra me benzinë./ CarsScoops
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
