Volkswagen do të investojë edhe 193 miliardë dollarë për makinat elektrike - Business Magazine Albania

Volkswagen do të investojë edhe 193 miliardë dollarë për makinat elektrike

Volkswagen njoftoi së fundmi planet për të investuar 193 miliardë dollarë për të bërë çdo automjet të pestë që shet elektrik deri në vitin 2025. Më shumë se dy të tretat e parave do të shkojnë për softuer, fabrika të baterive dhe investime të tjera.

New York Times raporton se në një ngjarje mediatike të martën e kaluar Arno Antlitz, drejtor i Volkswagen Group, deklaroi se kompania duhet të transformohet “në një grup shërbimesh teknologjike dhe lëvizshmërie”.

“Ne duhet të fokusohemi në platformat tona”, tha Antlitz, “të tilla si hardueri ynë për automjetet elektrike me bateri, një grumbull i unifikuar softuerësh, bateritë, lëvizshmëria, drejtimi autonom”. Ai tutje shtoi se financat stabile të kompanisë së tij do ta ndihmonin atë të “vazhdonte të investonte në elektrifikim dhe digjitalizim” pavarësisht “mjedisit ekonomik sfidues” aktual.

Lexo edhe: Volkswagen dëshiron të bëhet tërësisht elektrik në 2033

CNBC raportoi se një rritje prej 68 për qind në Kinë nxiti lëvizjen e Volkswagen drejt zgjerimit të modeleve të veturave elektrike, e ndihmuar nga kompletimi i ndërtimit të një fabrike historike në Tenesi.

Numrat e dërgesave për Volkswagen ranë në përgjithësi me 7 për qind në vitin 2022, më pas drejtori aktual ekzekutiv Oliver Blume mori detyrën nga Herbert Diess – i cili e shtyu në mënyrë agresive kompaninë të përqafonte makinat elektrike – në shtator të vitit të kaluar. Blume në shtypin e së martës bëri të ditur se viti 2023 do të ishte një vit vendimtar për Volkswagen.

Falë rritjes së çmimeve të energjisë dhe rregullimit të problemeve të zinxhirëve të furnizimit të ndërprerë nga COVID-19, Volkswagen raportoi një fitim neto prej 16.7 miliardë dollarësh në vitin 2022, një rritje prej 2.6 për qind nga viti i kaluar./ Entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0