VJEN BETAPITCH TIRANA 2018
Përditësuar së fundmi: 16/08/2018

VJEN BETAPITCH TIRANA 2018

Share
nga Albana Mucaj
Gus 16, 2018

BETAPITCH vjen sërish në Tiranë, këtë vit në kërkim të sipërmarrësve dhe sipërmarrjve më premtuese.

Instituti Adriapol në bashkëpunim me BETAHAUS Berlin sjellin për të tretin vit rradhasi konkursin Betapitch Tirana, më datë 5 Tetor 2018. Është hapur tashmë procesi i aplikimit për të gjithë start up-et e interesuara.

Ashtu sikurse është edhe në traditën e Betapitch, vetëm 8 grupe që kalojnë fazën përzgjedhëse do të konkurrojnë me idetë e tyre të biznesit përballë një jurie të larmishme ekspertësh kombëtarë dhe ndërkombëtarë, për një sërë çmimesh.

Sikurse edhe vitet e shkuara, start up-et në Tiranë konkurrojnë për një biletë për konkursin e madh BETAPITCH Global në Berlin, e cila do të zhvillohet në 15 Nëntor 2018.

Grupi fitues i Betapitch Tirana 2017 ishin TikApps, të cilët prezantuan sesi realiteti i shtuar (augmented reality) i vjen në ndihmë industrisë së marketingut. Megjithëse tikapps nuk patën mundësi të fitonin çmim në Berlin, ata krijuan kontakte dhe shkëmbyen ide të vlefshme për vijueshmërinë e biznesit të tyre.