Vijon të rritet çmimi i banesave. BSH: duhet mbajtur në monitorim - Business Magazine Albania

Vijon të rritet çmimi i banesave. BSH: duhet mbajtur në monitorim

çmimi i banesave

Gjatë periudhës së pandemisë, çmimet e banesave kanë shënuar rritje, ashtu edhe çmimet e qirasë në zonat urbane. Ku trend ka vijuar sipas të dhënave të fundit të Bankës së Shqipërisë, të cilat i përkasin tremujorit të tretë të 2020-ës.

Sipas këtyre të dhënave, Indeksi i çmimit të banesave u rrit me 13.5% karahsuar me periudhën paraardhëse. Ky është një nivel gati tre herë më i lartë se mesatarja e rritjes së çmimeve në 18 vitet e fundit, kur ishte vetëm 4.8%. ky është një trend tërësisht i kundërt me ecurinë e shtijeve dhe akitivitetin ekonomik në vend, i cili ka shënuar rënie për shkak të pandemisë. Megjithatë, edhe disa sektorë të tjerë, kryesisht në fushën e shërbimeve kanë pësuar rritje të kostos së çmimeve.

Çmimet e qirasë kanë shënuar një rritje me të voglël se ajo e shitblerjes, por në nivele më të larta se rritja e çmimeve në shumë sektorë të tjerë. Ndërkohë, të dhënat e kredisë për pasuri të paluajtshme shpjegojnë pjesërisht rritjen e kërkesës për banesa dhe të çmimit. Kredia bankare për pasuri të paluajtshme u rrit gati 6% në të njëjtën periudhë.

Lexo: 4 leksione sipërmarrje që ju ndihmojnë të rriteni në 2021

Prirja e nisur që në fillim të pandemisë mund të vazhdojë dhe kjo shihet me shqetësim nga ana e ekspertëve, pasi një rritje e mëtejshme e çmimeve, ul aftësinë likujduese të qytetarëve dhe rrjedhimisht rrezikon të krijohet një fluskë e mundshme. Banka thekson në raportin e saj se, “Është e rëndësishme që ecuria e këtyre dy treguesve, të cilët priren të përforcojnë ecurinë e njëri-tjetrit, të monitorohet në vijimësi. Qëllimi është që, duke përdorur edhe informacionet që lidhen me ngarkesën me borxh të familjeve, të identifikohen dhe parandalohen situatat në të cilat ecuria e çmimeve në tregun e pasurive të paluajtshme është e paqëndrueshme”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0