Vendimet e qeverisë/ Zgjatet kompensimi për transportin publik. Bordi i Transparencës vazhdon funksionin - Business Magazine Albania

Vendimet e qeverisë/ Zgjatet kompensimi për transportin publik. Bordi i Transparencës vazhdon funksionin

Kompensimi i naftës për transportin publik do të zgjatet edhe me tre muaj. Vendimi është miratuar sot nga qeveria dhe sipas ministres së Infrastrukturës Belinda Balluku kjo masë mbështetëse do të jetë e vlefshme deri në fund të muajit tetor.

Sipas saj, kjo masë nuk do të ketë kosto shtesë për arkën e shtetit, pasi përgjatë kësaj periudhe do të përdoret pjesa e pashfrytëzuar e parave që ishin planifikuar në paketën e parë antikrizë për transportin publik.

“Nga paketat e vënë në dispozicion gjatë prillit është konsumuar rreth 60% e fondeve në dispozicion. Do të preferonim që këto fonde të ishim konsumuar të gjitha. Me aktin e sotëm është marrë vendimi që kjo paketë të vazhdojë dhe të qëndrojë në fuqi deri në tetor. Nuk do të ketë asnjë impakt shtesë në buxhetin e shtetit pasi është parashikuar që nga fillimi I vitit në paketën anti krizë” – tha Belinda Balluku

Paketa për kompensimin e naftës 100 lekë për litër për transportin publik, një nga sektorët më të prekur nga pandemia dhe kriza e çmimeve  ka hyrë në fuqi ne mes të muajit prilli.

Lexo edhe: Çmimi i energjisë drejt rritjes. Nga tetori konsumatorët familjarë në dy fasha

Ndërsa fondi i vënë në dispozicion për të mos rritur çmimin e biletave për shkak të shtrenjtimit të naftës ishte 500 milionë lekë.

Me gjithë çmimin më të lartë të naftës krahasuar me vendet fqinje dhe akuzat e opozitës se bordi i transparencës është bordi i vjedhjes së qytetarëve, Belinda Balluku, Ministrja e Infrastrukturës dhe Energjisë, thotë se çmimi me të cilin sot shitet një litër naftë nuk është abuziv.

“Bordi i transparencës nuk ndikon në çmimin e naftës. Bordi i transparencës është aty për të kontrolluar dhë për të bërë transparencë publike. Ne si bord as nuk e rrisim e as nuk e ulim dot çmimin. Flitet që çmimi i naftës ka rënë në bursa ndërkohë që në Shqipëri ngrihet, fakt që është totalisht i rremë dhe nuk ka asnjë bazë të vërtetë. Çmimi që i referohen zotërinjtë ka të bëjë më çmimin e produktit krudo, ndërkohë çmimi të cilit ne i referohemi në bordin e transparencës ka të bëjë më çmimin e produktit, pra më çmimin e naftës, benzinës apo gazit dhe i referohemi çmimit të bursës plants. Kështu që ështe shumë e lehtë për ta parë si janë çmimet në bursë, janë në rënie apo në ngritje.” – u shpreh Belinda Balluku.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0