Disa nga mendjet më kreative në histori e kanë ndërtuar suksesin e tyre falë këtyre momenteve të shkurtëra ku lindin idetë. Ju ndoshta mund të keni lexuar se Woody Allen i krijon idetë e tij më të mira kur është në dush, sesi leximi i një artikulli për hacker-at e telefonave e shtyu Steve Jobs të krijonte kompjuterin Apple me Steve Wozniak.
Ja disa nga vendet frymezuese ku inovatorët modern shkojnë për t’u frymëzuar:
Duke udhëtuar nëpër botë: Pasi kompania e tij e reklamave dështoi në moshën 26 vjeçare, Nick Woodman vendosi të psuhonte dhe udhëtonte me shpresën se do të gjente frymëzimin e duhur për atë që mund të bënte më vonë. Mesa duket frymëzimi ndodhej poshtë hundës së tij dhe sipër dërrasës së sërfit. Woodman kuptoi se i nevojitej një kamerë krahu për të dokumentuar avnturat e tij të sërfit. Ai e ndërpreu udhëtimin e tij dhe u kthye në shtëpi për të punuar në atë që sot quhet GoPro.
Në tualet: Kjo ndoshta nuk është dhe aq e çuditshme, por shumë krijues janë frymëzuar në tualete të çuditshme apo në mënyra të çudithsme në tualete normale. Steve Jobs ulej sipër shkarkuses së tualetit dhe zhyste këmbën e tij të zbathur në ujë ndërkohë që mendonte. Dr. Nakamatsu kishte një “dhomë relaksi” për të menduar e cila ishte një tualet i mbuluar me flori 24 karat, e cila sipas tij bllokonte sinjalet e trasmetimit që pengonin kreativitetin.
Në vaskë: Ishte pikërisht një larje e shkurtër në vaskën e kompanisë Nintendo, momenti i duhur për dizajnerin legjendar të lojërave elektronike Shigeru Miyamoto që t’i lindte një ide e re. Ai ka thënë se pikërisht ky moment relaksi e shtyu drejt krijimit të lojës “Donkey Kong.” Kjo ide automatikisht çoi në krijimin e ri të një loje ku personazhi kryesor ishte hidrauliku me emrin Mario.
Në tren: Ne shpesh përhumbemi në mendime kur udhëtojmë në transportin publik, por autorja J.K. Rowling nuk i mbajti për vete mendimet e saj, kur ajo mbeti e bllokuar në një tren për 4 orë pa një stilolaps për të shkruajtur idenë e një libri dhe shumë e turpshme për t’i kërkuar të panjohurve një stilolaps apo një bllok shënimesh, ajo u zhyt në mendime duke ndërtuar fabulën, duke e skicuar dhe duke e ruajtur në memorie. Rezultati ishte Harry Potter.
Kudo që shkoni për të menduar, ndoshta gjëja më e mirë që mund të bëni është të mbani shënime dhe të ndërtoni një plan për atë që po mendoni. Sepse idetë nuk lindin vetëm në vende të caktuara, por dhe në kohë të caktuara, gjithashtu.
/Inc
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
