Pas suksesit që pati vitin e kaluar “Rruga drejt suksesit” u rikthye në datën 17&18 Nëntor në ExpoCity, prezantuar nga Vasil Naçi. Mbi 1500 persona, mes tyre dhe BusinessMag, patën mundësinë për të mësuar, për t’u motivuar dhe për t’u zgjuar nga monotonia e përditshmërisë në atë trajnim ndryshe nga ata që jemi mësuar të shohim, duke na sjellë në mend folësit më të njohur ndërkombëtarë në Shqipërinë tonë të vogël.
Njerëz nga fusha të ndryshme u bënë bashkë për të ndjekur nga afër këtë seminar, ku përveç pjesës së prezantimit pati dhe ushtrime të ndryshme, ku gjithsecili mund të reflektonte për rrugën që duhet të ndiqte drejt suksesit.
“Zgjidhni objektivat kryesore për jetën tuaj, përkushtojuni atyre dhe në këtë mënyrë do të shkoni drejt lumturisë. Krijoni një rutinë efektive dhe mësoni sesi të menaxhoni kohën tuaj. Jepuni prioritet gjërave që ju çojnë më shpejt drejt suksesit dhe hiqni dorë nga veset që ju shpërqëndrojnë,” u shpreh ai.
Lexo edhe:Leksioni i marrë nga tre mësues të suksesit
- 7 elementet bazë të suksesit (JU, vizioni, ndikimi, skuadra, filozofia, burimet, zbatimi)
- 7 kolonat bazë të JU-së për sukses(shëndet, ençuri, dashuri, dëshirë, aftësi, besim, shprehi)
- rëndësinë që ka “Ju-ja” në jetën tonë
- triadën e fuqisë emocionale(Fokus, fjalor ,fiziologji)
- si të realizojmë objektivat tona, sa e rëndësishme është skuadra për të shkuar drejt rezultatit final
- si të vëmë në zbatim burimet që kemi në dispozicion
- strategjitë që duhet të ndjekim.
Ai theksoi se jeta është plot me paradokse që e bëjnë më interesant udhëtimin tënd.
- Cilësi e lartë & çmim i ulët
- Të punosh fort & të marrësh kënaqësi
- Edhe vlera & edhe numrat
- Vetë-disiplinë & argëtim
- Autonomi & ndërvarësi
- Ndihmon veten & kur ndihmon të tjerët
Dhe pikërisht është ky paradoks që na çon drejt përmbushjes si njerëz dhe na hap dyert e suksesit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
