Teknologjia e ARN , bazë për disa vaksina COVID-19 mund të ndihmojë në parandalimin e sëmundjeve të tjera komplekse si kanceri ose HIV. Nëse ARN kalon testin pandemik, ajo do të hapë një fushë krejt të re në mjekësi. Bloomberg vlerëson se vaksinat Coronavirus nga Moderna dhe Pfizer me BioNTech mund të hapin një fushë të re në mjekësi që një ditë mund të luftojë sëmundje komplekse si kanceri, AIDS ose sëmundjet e zemrës.
Teknologjia e re RNA (mARN) është në thelb të disa vaksinave kundër Covid. Gjatë imunizimit, materiali gjenetik artificial futet në qelizat njerëzore, duke nxitur qelizat të riprodhojnë proteinën e koronavirusit, me të cilën hyn në qeliza. Sipas Bloomberg, kjo ARN nuk shkakton infeksion të vërtet, por mëson sistemin imunitar për të luftuar infeksionin.
Disa kompani po punojnë për të përshtatur këtë teknologji për vaksinat kundër gripit, dështimit të zemrës, fibrozës cistike (një sëmundje e trashëguar), citomegalovirusit (një sëmundje virale) dhe madje edhe HIV. Vaksina e gripit mund të kombinohet e të prezantohen në një dozë, për të përballuar të gjitha sëmundjet sezonale të dimrit, ka thënë CEO i Moderna, Stefan Bansel.
MARN është një qasje e re që nuk është përdorur kurrë më pare jashtë provave klinike. Pandemia është bërë një terren testimi, sepse, nga njëra anë, kompanitë e pasura si Pfizer filluan të sponsorizojnë zhvillimin dhe nga ana tjetër, vaksinat me bazë mRNA do të përdoren masivisht. Vaksina e Pfizer u aprovua me shpejtësi nga SHBA dhe Meksika.
Lexo: A do te jete e detyrueshme vaksina anticovid ne Europe
Ish biologu i Harvard dhe aksioner i Moderna, Derrick Rossi tha se, “Ne jemi duke hyrë në epokën e terapisë me ARN. Do të ketë më shumë investime dhe më shumë burime në këtë drejtim. Sipas tij, në 10-20 vitet e ardhshme të gjitha vaksinat kundër sëmundjeve infektive do të bazohen në ARNi. Ndërsa, nisur nga parashikimet e bashkëthemeluesit të BioNTech Ugur Sakhin, brenda 2-3 vitesh, mund të miratohen barnat e para për luftën ndaj kancerit, që përdorin teknologjinë.
Moderna, AstraZeneca dhe Roche, prodhuesi më i madh në botë i barnave, po punojnë për një vaksinë të kancerit të bazuar në mRNA me BioNTech. Komapania gjermane po bashkëpunon edhe me fondacipnin e Bill dhe Melinda Gates për të prodhuar një vaksinë për HIV.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
