Udhëheqësit emocionalisht inteligjentë i trajtojnë punonjësit si të rritur, jo si fëmijë

Drejtoni me ndjeshmëri dhe punonjësit tuaj do t’jua kthejnë favorin

NGA TOMMY MELLO

Kolegu im u vonua disa orë në punë. Ai doli një natë më parë dhe festoi pak si shumë. Padyshim që, shefi e thirri atë. Gjëja e parë që i tha ishte: “Je vonë për punë”.

Ai mendoi se do të qortonte. Por, shefi nuk e bëri. Gjithçka që i tha ishte: “Pse nuk mendon që më përpara dhe marrësh një ditë pushimi. Sigurohu që në të ardhmen të më njoftosh kur do të vonohesh. Nuk e kam problem që të marrësh pushim.”

Në vend që ta qortonte si shumë menaxherë apo drejtues të tjerë, ai e trajtoi si një të rritur.

Në vend të udhëheqjes, shumë liderë bëjnë si prindër të këqinj.

Ata përfundojnë duke disiplinuar punonjësit e tyre. Duke i trajtuar ata si fëmijë. Vetëm mendoni se çfarë u tha Mark Zuckerberg punonjësve të tij:

“Në kompani, ndoshta ka një numër njerëzish që nuk duhet të jenë këtu”.

Lexo: 3 Strategji për të kapërcyer sindromën e mashtruesit dhe për ta kthyer atë në forcën tuaj më të madhe

Si mund të motivojë kjo fjali dikë që të jetë një superstar në punë, e lëre më të qëndrojë në kompani në kohë të vështira?

Mos më keqkuptoni – duhet të jeni të sinqertë me punonjësit tuaj. Por, të flasësh me punonjësit, t’i trajtosh ata me mungesë respekti, të mos pranosh punën e tyre të palodhur – kjo është thjesht një udhëheqje e dëshpëruar.

Jo vetëm që do të vrisni motivimin e punonjësve tuaj, por gjithashtu me kalimin e kohës do të shkatërroni kulturën e kompanisë tuaj. Liderët e mëdhenj nuk i “disiplinojnë” punonjësit e tyre. Ata i trajtojnë punonjësit e tyre me respekt dhe dashuri. Ata zhvillojnë biseda mes të rriturish. Kjo është e rëndësishme për një arsye të thjeshtë.

Njerëzit qëndrojnë kur ndihen të vënë re

Kur ata mendojnë se janë të njohur. Kur ata mendojnë se kanë rëndësi. Pra, nëse doni të jeni një udhëheqës i lartë, këtu janë disa gjëra që nuk duhet t’u thoni kurrë punonjësve tuaj:

·      Ju duhet të bëni një plan për përmirësimin e performancës

·      Ju nuk do ta keni më këtë pozicion

·      E keni përkeqësuar situatën

·      Është problemi juaj

Vetëm mendoni se si do të ndiheshit nëse do t’ju thonin ndonjë nga këto gjëra në fytyrë.

Ja çfarë të thuash në vend të kësaj:

·      Vlerësoj që jeni pjesë e rritjes këtu.

·      Vlerësoj që jeni pjesë e familjes sonë.

·      Ju keni shumë rëndësi për këtë kompani

·      Le ta kuptojmë këtë së bashku

·      Le të ëndërrojmë së bashku

Ajo që mund të jetë e paharrueshme për një punonjës do të jetë shumë e pakëndshme për një tjetër. Kjo është arsyeja pse rekomandoj të shikoni 5 Gjuhët e Vlerësimit në Vendin e Punës. Rekomandoj gjithashtu të telefononi ose të takoheni me punonjësin tuaj një për një, në mënyrë që t’i tregoni personalisht se sa të mrekullueshëm janë.

Çfarëdo që zgjidhni të thoni, mbani mend këtë:

Çdo bisedë që bëni me punonjësit tuaj duhet të jetë një kujtesë se ju interesoheni për ta. Kur ndihen të kujdesur, ata do të duan të fitojnë në punët e tyre. Dhe kur ata fitojnë, ju fitoni. Kjo është ajo që nënkupton udhëheqja e vërtetë.

INC