Twitter Inc ka hequr një imazh të postuar nga presidenti amerikan, Donald Trump, pasi mori një ankesë për të drejtat e autorit nga New York Times. Tweet-i origjinal nga Trump postuar në 30 qershor, ishte një meme, me foton e Trump në sfond, që shkruante “Në të vërtetë ata nuk janë pas meje, ata janë pas teje. Unë jam vetëm një pengesë në rrugë”.
Pas heqjes së postimit, Twitter-i konfirmoi se kompania ka vepruar në bazë të një ankese për të drejtat e autorit nga mbajtës i të drejtave, New York Times. Fotografia e sfondit është shkrepur nga një fotograf i New York Times, për të shoqëruar një artikull me karakteristika për kandidatin e atëhershëm presidencial Trump, në shtator 2015.
Lexoni: Ja kush janë kodet e fshehta në mediat sociale, kuptimi i tmerrshëm pas tyre
Tani në vend të tweet-it të Trump, Twitter shfaq mesazhin “Ky imazh është hequr si përgjigje ndaj një ankese nga mbajtësi i të drejtave të autorit”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
