Presidenti amerikan, Donald Trump, e ka akuzuar përsëri Kinën për trajtimin që i ka bërë pandemisë së koronavirusit, duke kërcënuar se do t’i japë fund marrëdhënieve me Pekinin.
“Ka shumë gjëra, që mund të bëjmë. Ne mund të ndërpresim tërësisht marrëdhënien”, tha Trump në një intervistë për televizionin Fox Business.
Më herët u njoftua se rreth 36 milionë amerikanë janë regjistruar si të papunë, që nga shpërthimi i epidemisë së koronavirusit në SHBA, në mesin e muajit mars.
Shifrat e fundit të papunësisë vijnë dy javë pasi të dhënat treguan se ekonomia amerikane u tkurr 4.8 për qind në tremujorin e parë të vitit 2020.
Shtetet e Bashkuara janë vendi më i prekur në botë nga sëmundja COVID-19. Sipas të dhënave të universitetit John Hopkins, në Shtetet e Bashkuara, deri më tani, janë konfirmuar 1,391,238 raste të të infektuarve.
Lexoni: Dr Bright dëshmon për “Integritetin Shkencor” në përgjigjen ndaj koronavirusit në SHBA
Presidenti amerikan, Donald Trump, ka shtuar së fundi kritikat kundër Kinës, duke thënë se ky shtet nuk ka bërë mjaftueshëm për të ndalur koronavirusin, kur është shfaqur për herë të parë në Vuhan dhe Hubei.
Ai ka thënë më 1 maj se ka parë prova që i japin atij një “shkallë të lartë besimi” se koronavirusi doli nga një laborator kinez i virologjisë.
Derisa zyrtarët kinezë kanë pranuar se ende nuk ka një përgjigje përfundimtare se nga e kishte origjinën sëmundja, shumica e ekspertëve besojnë se koronavirusi e ka origjinën në një treg të kafshëve të egra në Vuhan.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
