Ngritja e industrisë së veshjeve teknologjike nuk ka të ndalur. Lideri kryesor i këtij sektori është Fitbit duke lënë pas orën inteligjente Apple Watch. Sipas të dhënave që vinë nga International Data Corporation (IDC) sektori është rritur me 200 % gjatë 2015-tës.
Në total janë shitur plot 21 milionë veshje elektronike vetëm në 3 mujorin e tretë financiar të 2015-ës, një rritje me 197% krahasuar me 7.1 milionë njësitë e shitura në të njëjtën periudhë një vit më parë.
Spikatën produktet si Fitbit Charge dhe Fitbit Surges ndjekur nga Apple Watch. Fitbit zotëron 22 % të tregut të veshjeve elektronike ndjekur nga Apple me 18.6 % dhe Xiaomi me 17.4 %.
Ky i fundit nxjerr në pah etjen e tregut kineze për të tilla produkte. Në vendin e katërt vjen Garmin me 4.1 % dhe BBK me 3.1 %. Pjesa tjetër e ngelur e tregut prej 34% përbëhet kryesisht nga orët inteligjente me platformën Android Wear.
Prodhuesit kanë eksperimentuar me produkte të llojeve të ndryshme. por sfida e vërtetë është dalja përtej kufijve. Rast konkret është Xiaomi ku 97% e produkteve të shitur që i përkasin këtij sektori janë shitur në Kinë. Apple nga ana tjetër ka shitur 7 milionë orë inteligjente.
Por e ardhmja premton për këtë sektor. Në 2019-ën mendohet të jenë aktive mbi 500 milionë veshje elektronike. Kjo rritje e paprecedentë ushqehet nga trafiku mobil botëror ku nga 74.2 petabajt në 2014-ën do të arrijë në 634 petabajt në 2019-ën. (PC World Albanian)
Për artikuj të mgjashëm lexoni edhe: 5 dështimet më të të mëdhaja teknologjike për 2015-ën.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
