Përmirësohet tregu i punës në Ballkanin Perëndimor. Shqipëria dhe Mali i Zi shënojnë rritjen më të madhe

Tregu i punës në Ballkanin Perëndimor. Shqipëria dhe Mali i Zi me rritjen më të madhe


Ecuria e tregut të punës në vendet e Ballkanit Perëndimor vazhdoi të përmirësohej me një ritëm më të ngadaltë pavarësisht rritjes ekonomike në rajon, raporton Banka Botërore dhe Instituti i Vienës për Studimet Ndërkombëtare Ekonomike.

Rreth 68,000 vende të reja pune janë krijuar mes tremujorit të dytë të vitit 2017 dhe tremujorit të dytë 2018, krahasuar me 231,000 këtë vit. Ndërkohë, GDP në rajon është rritur 3.9% në 2018 nga 2.5% në 2017, shkruhet në raportin “Trendet e Tregut të Punës në Ballkanin Perëndimor” për vitin 2019.

Shqipëria dhe Mali i Zi shënojnë rritjen më të madhe në rajon, përkatësisht me 3.3%, të pasuara nga Maqedonia e Veriut me 2.1% rritje. Shumica e vendeve të reja të punës janë krijuar në industri dhe shërbime. Femrat vazhdojnë të jenë jo të përfaqësuara në tregun e Ballkanit Perëndimor.

“Përmirësimet në tregun e punës janë inkurajuese, por tendenca ngadalësuese ngre disa shqetësime”, tha Linda Van Gelder, Drejtoreshë e Bankës Botërore për Ballkanin Perëndimor. “Ne ende kemi nevojë për një sektor privat më të fuqishëm, që gjeneron vende pune adekuate dhe politika publike që përmirësojnë punësimin e fuqisë punëtore për të mbështetur punën e tregut të punës në të ardhmen”.

Situata e punësimit të të rinjve vazhdon të përmirësohet, me rënien e papunësisë së të rinjve me 3 pikë përqindje në 34.6%.

/SeeNews

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0