Tregtia online dhe sfidat e SME-ve. Zhvillohet Trajnimi treditor me drejtuesit e sipërmarrjeve të vogla dhe të mesme - Business Magazine Albania

Tregtia online dhe sfidat e SME-ve. Zhvillohet Trajnimi treditor me drejtuesit e sipërmarrjeve të vogla dhe të mesme

Tregtia online dhe sfidat e SME-ve

Pandemia rriti tregtinë online dhe në sfidën më të madhe në këtë drejtim ishin SME-të. Ndërmarrjet e vogla dhe të mesme, ndonëse më fleksibël për t’u përshtatur, nuk kanë strukturat dhe punonjësit e dedikuar për këtë lloj tregtie.

Instituti Shqiptar i SME-ve SME Albania në bashkëpunim me Fondacionin 𝗞𝗼𝗻𝗿𝗮𝗱 𝗔𝗱𝗲𝗻𝗮𝘂𝗲𝗿 organizuan në Durrës një trajnim intensiv 3-ditor për sipërmarrjet shqiptare rreth t𝗿𝗲𝗴𝘁𝗶së o𝗻𝗹𝗶𝗻𝗲 dhe s𝗳𝗶𝗱𝗮ve të 𝗦𝗠𝗘-𝘃𝗲”.

Gjatë këtij trajnimi 20 përfaqësues dhe themelues të SME-ve u pajisën me njohuritë bazë për: Inovacionin dhe tregtinë elektronike; Modelin e biznesit të tregtisë elektronike; Pronësisë industriale dhe regjistrimin e markës tregtare; Bazat e tregtisë elektronike; Promovimi i tregtisë elektronike dhe rrjetet sociale; Shërbimi i klientit, kanalet e shitjes dhe shpërndarjes; Mënyra e kryerjes së pagesave.

Përgjatë 19-20-21 Nëntorit lektorë dhe specialistë të fushë ndanë eksperiencat e tyre me sipërmarrësit e rinj, dhe i inkurajuan ata në rrugëtimin e biznesit të tyre. Trajnerët sollën njohuritë e tyre praktike nga sipërmarrje apo organizata që drejtojnë. Ata ishin: Dritan Mezini, Afrim Osmani, Shkëlzen Marku, Maria Solis, Gerti Boshnjaku, Tomi Kallanxhi, Valer Pinderi, Idlir Ahmati.
Ekspertët ofruan njohuri bazë dhe teknike mbi tregtinë online dhe praktikat më të mira të të bërit biznes.

Në ditën e fundit, sipërmarrësit u organizuan në grupe, me qëllim krijimin e një model biznesi të simuluar, mbi të cilin aplikuan të gjitha njohuritë e përfituara gjatë trajnimit.

Trajnimi u mbyll me prezantimin e modelit simulues nga secili grup dhe shpërndarjen e certifikatave nga themeluesit e “SME Albania” dhe drejtori ekzekutiv i Fondacionit “Konrad Adenauer”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0