Tregtia, 40% më e lartë në qytetet ku ecja dhe çiklizmi janë normë » Business Magazine Albania – Media Dixhitale dedikuar Sipërmarrjes
Përditësuar së fundmi: 31/08/2016

Tregtia, 40% më e lartë në qytetet ku ecja dhe çiklizmi janë normë

Share
nga Fiorela Jaupi
Gus 31, 2016
Studied at Faculty of Economy, Master of Science in Marketing. Content Editor at Business Magazine Albania
lexo me teper >

Studimet tregojnë se, qytetet që promovojnë transport të qëndrueshëm janë në avantazh të rëndësishëm ekonomik. Vlera e pronës në qytete me infrastrukturë të mirë për çiklizëm dhe transport publik efikas priret të jetë më e lartë.

Nga caktimi i prioriteteve për transport të qëndrueshëm përfiton edhe sektori privat. Raportet tregojnë një rritje të tregtisë deri në 40% në zonat ku ecja dhe çiklizmi bëhen normë. Në Kopenhagen (Danimarkë), klientët që udhëtojnë në qytet me biçikletë shpenzojnë 2 miliardë € në vit më shumë se ata që udhëtojnë me automjet privat.

Këtë vit Java Evropiane e Lëvizshmërisë (në datat 16-22 shtator 2016) do të organizohët nën moton “Lëvizshmëria e zgjuar dhe e qëndrueshme – një investim për Evropën”, duke iu referuar ngushtë lidhjes midis transportit dhe ekonomisë. Përfitimet e lëvizjes së zgjuar ndihen kudo, nga publiku te sektori privat, nga shoqëria në tërësi te individi. Këtë vit, Java Evropiane e Lëvizshmërisë synon të nxisë politikanët dhe publikun të hedhin vëmendjen në një lëvizje më të zgjuar dhe të qëndrueshme si një investim për Evropën.të nxitur masa të përhershme që mbështesin temat e përzgjedhura vit pas viti.

Studimet tregojnë se, duke bërë zgjedhje të zgjuara lëvizshmërie ne mund të rrisim dukshëm financat publike. Qytetet që promovojnë transport të qëndrueshëm janë në avantazh të rëndësishëm ekonomik. Statistikisht, njerëzit të cilët udhëtojnë me mënyrat aktive të transportit, të tilla si ecja dhe çiklizmi, jo vetëm që janë më produktive në punë, por ata gjithashtu marrin më pak ditë leje për arsye shëndetësore dhe shpenzojnë mesatarisht më pak kohë në zyrën e mjekut. Përfitimet shkojnë përtej të mirave shëndetësore. Vlera e pronës në qytete me infrastrukturë të mire për çiklizëm dhe transport publik efikas priret të jetë më e lartë. Nga caktimi i prioriteteve për transport të qëndrueshëm përfiton edhe sektori privat.

Raportet tregojnë një rritje të tregtisë deri në 40% në zonat ku ecja dhe çiklizmi bëhen normë. Në Kopenhagen (Danimarkë), klientët që udhëtojnë në qytet me biçikletë shpenzojnë 2 miliardë € në vit më shumë se ata që udhëtojnë me automjet privat.

Aktualisht 1289 qytete janë regjistruar në Javën Evropiane të Lëvizshmërisë, ndërsa përsa i përket Shqipërisë, në këtë nismë evropiane kanë regjistruar aktivitetet e tyre, ditët pa makina dhe masat e përhershme bazuar në moton “Lëvizje e zgjuar, Ekonomi e fortë”, bashkitë dhe organizatat nga qytetet Delvinë, Bulqizë, Gramsh, Krujë, Lushnje, Përrenjas dhe Shkodër.

Burimi: fax.al