“Transforming Your Life”, libri që e rendit trajneren Anila Bashllari mes ekspertëve ndërkombëtarë - Business Magazine Albania

“Transforming Your Life”, libri që e rendit trajneren Anila Bashllari mes ekspertëve ndërkombëtarë

~3 minuta lexim


Trajnerja dhe mentorja e biznesit Anila Bashllari është bërë pjesë e librit “ “Transforming Your Life”, Volumi i dytë.

Ajo prezantohet si bashkë-autore me individë-coaches shumë të talentuar dhe me eksperiencë ndërkombëtare. Libri fokusohet në zhvillimin personal dhe ju mund të lexoni historitë e autorëve të ndryshëm, sfidat dhe përballjet e tyre për të ecur përpara drejt suksesit.

Në një intervistë për Businessmag Anila tregon se, “prej vitit 2011 jam e fokusuar në fushën e zhvillimit personal dhe eksperienca ime prej mbi 30 vitesh po më shërben shumë për një kombinim harmonik midis zhvillimit profesional dhe atij personal”.

Edhe sot Anila nuk ka ndalur së investuari te vetja. Pjesë e kësaj ishte dhe projekti prej rreth 1 vit e gjysëm që është përfshirë për të zhvilluar në një nivel tjetër biznesin e saj të coaching, mentorim dhe trajnim në fushën e zhvillimit personal.

Vëmendjen e botuesit e ka tërhequr fakti që këtë punë e ushtron si profesion me kohë të plotë dhe në një vend të vogël si Shqipëria, i kërkuan të bëj intervistën e parë për të vendosur nëse do përfshihej në libër si bashkëautore. Bindja e saj se do të përzgjidhej u përmbush.

“Kur e kam shkruar këtë libër kam menduar për këdo, pasi mesazhet në të janë mesazhe për jetën. Çdokush ka nevojë për zhvillim personal dhe nëpërmjet historisë time synoj të ndihmoj këdo që ndihet në udhëkryq, pa shpresë, që dëshiron të rritet apo të bëhet i suksesshëm”.

Anila Bashllari synon Shqipërinë si mentore e neurocoach. Por, krahas kësaj po bëhet realitet tregu ndërkombëtar. “Investimi prej shumë vitesh në këtë fushë po më kthehet. Natyrisht libri më krijon mundësinë e një prezence në tregun ndërkombëtar dhe deri tani është best seller në disa kategori në fushën e zhvillimit personal në Amazon USA, Canada, Hollandë, Gjermani, Indi dhe vende të tjera”.

 

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0