Odd Ball është një kompani që bën topa argëtues elektronikë, të cilët mundësojnë gjenerimin e tingujve MIDI duke i trokitur ose kërcyer ato. Kompania është duke shtuar gjeste të reja në pajisjen e saj, duke përfshirë rrotullimin, lëvizjen, tundjen dhe hedhjen në ajër, në mënyrë që të mund të gjenerohen tinguj në një formë të re.
Me përditësimin më të fundit të aplikacionit, kompania lejon gjithashtu të jeni DJ në një festë në shtëpi nëpërmjet këtyre gjeste. Aplikacioni përfshin një modalitet DJ me disa këngë në sfond dhe udhëzime në ekran për gjestet për atë pjesë. Kur kombinohen një ose më shumë gjeste, aplikacioni do të luajë efekte zanore në fillim të këngës.
Startup-i i ka ndarë gjestet në dy kategori: Aktivizues (trokitje, tundje, përdredhje), të cilat kompania i përshkruan si të ngjashme me luajtjen e një note, dhe Modulatorët (lëvizja, rrotullimi, hedhja në ajër), të cilat kompania i mendon si “pulla” në një tastierë.
Pasquale Totaro, themeluesi dhe CEO i kompanisë, ka treguar se topi ka një sensor të integruar që kompania nuk po e përdorte. Por, me përditësimin e ri, tanimë po e përdor atë sensor.
“Pajisja fillimisht kishte një sensor lëvizjeje që ne nuk e përdornim fare, ai ishte thjesht i ulur atje. Ideja ishte që më vonë të shtyhej një “firmware” i ri që do ta sillte atë në jetë. Ja ku jemi tani. U desh shumë R&D për të zhbllokuar të gjitha veçoritë. Imagjinoni një tastierë që kupton vetëm trokitje… tani ajo ka gjithashtu zmadhimin, “pinch”, zvarritje, etj”, është shprehur ai.
Totaro nuk hezitoi të përmendte se ekipit i është dashur të bënte shumë përpjekje për të ndarë gjestet nga njëri-tjetri. Gjithashtu ka treguar se startup-i dëshironte ta bënte procesin e krijimit të muzikës të lehtë dhe argëtues.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
