Trajnimi: “How to be an active citizen” (Event Bamirësie)

Padyshim të gjithë brenda vetes kemi të “rrënjosur” thellë ndjenjën e solidaritetit dhe atë të dëshirës për të ndryshuar realitetin që na rrethon. E në të shumtën e rasteve, mbase edhe nga mungesa e mosbesimit apo e padijes, ne ngurojmë që të aktivizohemi apo të bëhemi bashkë për të sjellë ndryshimin që të gjithë presim.
Ky trajnim synon pikërisht këtë: motivimin dhe njohjen me mënyrat sesi ne mund të angazhohemi dhe të kontribuojmë solidarisht në ndihmë e në të mirë të komunitetit ku jetojmë.

Qëllimi:
Ky trajnim është një mundësi e mirë që të nxisë aktivizmin tek pjesëmarrësit dhe t’i njohë me mënyrat sesi ata mund të angazhohen në komunitet, deri në mënyrat më të sofistikuara të organizmit, për të arritur kështu qëllime me interesa të përgjithshme dhe kauza sociale që prekin një numër të madh personash.
Trajnimi “How to be an active citizen in the community” më shumë se një trajnim, synon të jetë një marrëdhënie ndër-pjesëmarrësish, ku të nxisë interaktivitetin tek të gjithë pjesëmarrësit.

Target Grupi:
Pjesëmarrësit në këtë trajnim duhet të jenë nga mosha 18-35 vjeç.

Data & Vendi:
Trajnimi do të zhvillohet ditën e Dielë, datë 24 Dhjetor 2017, orari 09:00-13:00 pranë Akademisë Profesionale të Biznesit.
Adresa: Pranë “Sheshit Shqiponja”, Rr. Vangjel Noti, Nr. 25, Laprakë, Tiranë

Pagesa:
Pagesa e trajnimit është 1000 lekë (të reja), e cila përfshin materialet e trajnimit dhe certifikatën nga qendër e liçencuar.

Shënim:
Të gjitha të ardhurat e mbledhura nga ky trajnim do të shkojnë për Shkollën 9-vjeçare “Dritas”. Për më shumë rreth shkollës klikoni linkun:https://www.youtube.com/watch?v=xf2jJ6AaSOw

Për t’u bërë pjesë e trajnimit dërgoni një e-mail në adresën: [email protected] ose një mesazh në cel. 0695383321 (whatsapp/viber) me subjekt “Dua të jem pjesë e trajnimit” dhe më pas do kontaktoheni për të proceduar më tej!

Afati i fundit i aplikimeve: Data 23.12.2017 ora 12:00

Për më shumë informacion klikoni këtu.