Trajnim: "Si të bëjmë CV & Letër Motivimi të suksesshme në gjuhën angleze?" - Business Magazine Albania

Trajnim: “Si të bëjmë CV & Letër Motivimi të suksesshme në gjuhën angleze?”


CV-ja dhe letra e motivimit janë dy dokumente që krijojnë përshtypjen e parë për prezantimin profesional tuaj. Për të prezantuar veten tuaj në mënyrën më të mirë të mundshme, Dhoma e Tregtisë dhe Industrisë Tiranë organizon këtë trajnim 1 ditor, i cili do të zhvillohet në gjuhën angleze me lektore amerikane.

LEKTORE: Znj. Erin Doak

DATA: 18 Dhjetor 2017

ORARI: 16:45-20:30

QËLLIMI

Qëllimi i këtij trajnimi është që të prezantoni të dhënat tuaja në mënyrën më të mirë të mundshme në gjuhën angleze dhe mund t’i përdorni ato në shumë aplikime në të njëjtën kohë, si dhe të perfeksiononi strukturën e tyre dhe terminologjinë në gjuhën angleze lidhur me to. CV-ja dhe letra e motivimit janë mjetet nëpërmjet të cilave ju mund të bëni promovimin e vetes tuaj, për të bërë një aplikim pune në një kompani të huaj apo jashtë vendit, për të bërë aplikim për studime jashtë vendit, etj.

Kush mund të përfitojë?

Të gjithë ata persona që kanë nevojë të bëjnë CV-në dhe letrën e motivimit të tyre të dalloj mes të tjerave.

Niveli i kërkuar i anglishtes

Kandidatët duhet të kenë minimalisht një nivel të ndërmjetëm ‘Pre-Intermediate’ të gjuhës angleze.

Metodologjia

Trajnimi do të jetë interaktiv. Kjo do të thotë që pjesëmarrësit jo vetëm do të marrin udhëzimet dhe terminologjinë e duhur në gjuhën angleze, por atyre do t’ju kërkohet që të marrin pjesë në mënyrë aktive dhe ndjekin udhëzimet e trajnuesit.

LEKTORJA

Znj. Erin Doak është shtetase dhe folëse amerikane, e cila ka studiuar në Universitetin e Wyoming, SHBA. Ajo ka eksperiencë në leadership. Në Shqipëri ajo ka zhvilluar një program mbi zhvillimin e aftësive në leadership dhe biznes për gratë shqiptare të quajtur GLOW (Girls Leading Our World). Gjithashtu znj. Doak ka eksperiencë në mësimdhënien e gjuhës angleze profesionale. Ajo ka punuar për Quark Inc.Key Account Sales & Management në Denver, Colorado SHBA, ku ka mbajtur marrëdhënie biznesi më kompanitë e mëdha. Vlen të përmendet dhe eksperienca e saj me Universitetin Amerikan në Bullgari, ku ka trajnuar staf, zhvillimin e kurseve, etj.

Programi

  • Struktura dhe terminologjia e një CV-je të suksesshme
  • Struktura dhe terminologjia e një Letre Motivimi të suksesshme

PAGESA:

Tarifa e pjesëmarrjes në trajnim është 30 Euro, ku përfshihen të gjitha materialet e punës dhe certifikata në fund të trajnimit.

Për t’u regjistruar plotësoni formularin e aplikimit përpara datës 15 dhjetor 2017 në adresën e mëposhtme:

Znj. Meggi Zhugli
Tel: + 355 (0) 45 800 934
Cel: + 355 (0) 68 671 5167
E-mail: [email protected]

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0