Trajnim për menaxhimin e një kompanie konsulence

Trajnim për menaxhimin e një kompanie konsulence


Trajnimi që do të zhvillohet në Tiranë, tek Plaza Hotel, në datat 25-27 Tetor 2017 (3 ditë të plota), do ju japë një pamje të plotë se si të menaxhoni një biznes konsulence. Trajnimi financohet nga Bashkimi Europian dhe organizohet nga Banka Europiane për Rindërtim dhe Zhvillim në partneritet me Albanian Consulting Network (ACN).

Ky kurs do t’ju ndihmojë:

  • Të zhvilloni aftësitë e partnerëve dhe stafit tuaj për të zgjeruar biznesin tuaj të konsulencës;
  • Do të mësoni dhe zbatoni modelet e biznesit dhe strategjitë e praktikave më të mira, veçanërisht të rëndësishme për kompanitë e konsulencës;
  • Zbuloni teknologji dhe modele financiare për t’ju ndihmuar të menaxhoni biznesin tuaj në mënyrën më efikase;
  • Të njihni rreziqet potenciale dhe të mësoni se si të angazhoheni në menaxhimin efektiv të riskut;
  • Mësoni se si të krijoni partneritete / aleanca strategjike.

Janet P. Poot, nga JPCorporate International BV, është përzgjedhur nga BERZH si trajnere, bazuar në eksperiencën e saj të gjatë në menaxhimin e një biznesi konsulence.

Trajnimi do të mbahet në gjuhën angleze dhe pagesa për të marrë pjesë për të 3 ditët e trajnimit është 192 euro e cila përfshin edhe një ditë konsultimi me trajneren dy muaj pas trajnimit.

Për më shumë informacione rreth trajnimit, ju mund të na kontaktoni në numrin e telefonit: 042259439 / +355692060856 ose me email në knowhowalbania@ebrd.com ose prengae@ebrd.com. Për të plotësuar formularin e aplikimit, ju lutem klikoni KËTU.

Që kur ka filluar aktivitetin në Shqipëri në vitin 1996, Këshilla për Bizneset e Vogla të BERZH ka ndihmuar mbi 570 ndërmarrje për të aksesuar këshillat për biznes, në sajë të financimeve nga Bashkimi Europian, Italia, Holanda, Luksemburgu, Japonia, Kanadaja, Portugalia, Suedia, Fondi i Bashkëpunimit Tajvan-BERZH, Fondi i veçantë i aksionerëve të BERZH-it.

Nëse dëshironi të dini më shumë rreth aktivitetit të Këshilla për Bizneset e Vogla të BERZH në Shqipëri, klikoni http://www.ebrd.com/knowhow/albania

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0