Çdo proces kreativ ka një lojë të vetën. Një lojë që Park Studios e ka mjeshtëruar, duke u mbështetur në mjetet më të avancuara dhe një ekip të përbërë nga individë ndër më kreativët dhe të përkushtuarit në vend.
Prandaj, është e lehtë të flitet për Park Studios: agjencia që fshihet pas disa prej brandeve dhe imazheve më të njohura në treg. Ata janë krijuesit e identitetit të Patoko, aplikacionit më inovativ të mobilitetit në Shqipëri të cilin në Business Magazine e kemi analizuar vazhdimisht; brandit French Tacos, që solli një koncept të ri kulinar urban; si edhe të imazhit të njohur të Kokë a’ Pulë.
Lexo edhe: Hyrje-dalje rekord në gusht, 3.3 milionë shtetas kaluan kufijtë e Shqipërisë
Po ashtu, Park Studios ka ndërtuar komunikimin e Maratonës së Tiranës, një prej ngjarjeve më të rëndësishme sportive në vend, ka qenë përgjegjëse për lançimin e Paysera në tregun shqiptar, si dhe ka realizuar brandimin dhe komunikimin për disa prej hoteleve më të njohura dhe prestigjioze në Shqipëri. Në gjurmët e saj spikasin gjithashtu projekte dinjitoze: nga brandimi i Duomo51 në New York, tek krijimi i identitetit për dy lokacione madhore në industrinë e resto-finedining dhe party lifestyle, njëri në Soho, New York, i njohur si House of Domes, dhe tjetri në Atlanta. Në vetëm katër vite e gjysmë, kjo kompani e re ka arritur të ketë një shtrirje jo vetëm në Shqipëri, por edhe në SHBA, Itali, Zvicër dhe Gjermani.
Amar Mileti, një prej zërave drejtues të Park Studios, shprehet: “Momentalisht jemi në një moment reflektimi për kompaninë tonë, ku forcat tona janë të përqendruara në katër shërbimet kryesore: branding, digital marketing, website development dhe krijim spote reklamash. Në mendjen tonë mbetemi një start-up, energjikë, kreativë dhe të përqendruar tek risia. Sot ndodhemi në një moment shumë të mirë, ku po korrim rezultate konkrete dhe po fitojmë besimin e partnerëve tanë. Por jemi të bindur se pjesa më e madhe e potencialit tonë është ende përpara, më e madhja për Park Studios nuk ka ardhur akoma. Përveç projekteve të reja dhe te prezantuara, Park Studios është duke punuar mbi një iniciativë të madhe, e cila, sipas Mileti-t, pritet të ketë një vizibilitet ku çdo individ në Shqipëri do të jetë i prekur prej saj.
Në vetëm pak vite, Park Studios ka treguar përveçse një shërbim marketingu apo një studio kreative, është një partner strategjik që ndihmon markat të krijojnë lidhje të forta emocionale me publikun, duke bashkuar mjeshtërinë vizuale, komunikimin efektiv dhe një qasje që ndërton besim afatgjatë.
Park Studios po rivendos rregullat e lojës së marketingut.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
