Thirrje për mentorë nga diaspora
Përditësuar së fundmi: 29/01/2020

Thirrje për mentorë nga diaspora

Share
nga Melsena Danglli
Jan 29, 2020

Lidhim sipërmarrësit shqiptarë me eksperiencë të cilët jetojnë jashtë me sipërmarrësit lokalë që premtojnë shumë.

Mundësia për t’u mbështetur në mentorë me eksperiencë është një çelës drejt suksesit për themeluesit që janë në fillimet e tyre, për t’u rritur dhe për të pasur sukses si sipërmarrës. Mentorët ndihmojnë në rritjen e shpejtë të biznesit dhe i ndihmojnë sipërmarrësit e rinj të punojnë më shpejt. Ata ndajnë eksperiencën e tyre me sipërmarrësit e rinj dhe ofrojnë njohje me rrjetin e tyre të sipërmarrësve.

Programi i Mentorimit nga Diaspora shërben për të lidhur sipërmarrësit shqiptarë me eksperiencë, të cilët kanë ndërtuar një karrierë të suksesshme biznesi jashtë vendit, me sipërmarrësit lokalë të cilët janë premtues. Sipërmarrësit me eksperiencë i mbështesin themeluesit e rinj të rriten në rrugën e tyre të biznesit.

Lexo këtu: Arjeta Dhima, mentore e mentorit të 9000 personave

Nëse je një themelues startup-i nga Shqipëria, që po kërkon për mentorë që do ju ndihmojnë të futeni në tregun ndërkombëtar, mund të kontaktoni Erkens, për t’u njohur me më shumë mundësi rreth programit të mentorimit nga mentor të diasporës.

Ky program kërkon vazhdimisht mentorë të rinj për t’ju bashkuar Programit të Mentorimit nga Diaspora. A jeni të interesuar për t’u bashkuar? Plotësoni këtë formular dhe organizatorët do t’ju kontaktojnë shumë shpejt.

EU for Inovation