TET, programi më i madh në Shqipëri për sipërmarrjen te gjimnazistët, po vjen në Tiranë!

TET, programi më i madh në Shqipëri për sipërmarrjen te gjimnazistët, po vjen në Tiranë!


TET – I pari kamp sipërmarrjeje vetëm për gjimnazistë!

Çfarë është TET?

TET (Tomorrow’s Entrepreneurs Tirana) është një program 23 javor për të përfshirë gjimnazistët në të mësuarit praktik duke vizituar biznese vendase në Tiranë. TET u ofron nxënësve mundësinë e të paturit mentorë personalitete të biznesit. Çdo nxënësi i jepet mundësia të fillojë një biznes të vërtetë me qëllimin për t’i ndihmuar që të përdorin të gjitha burimet për të pasur sukses në ekosistemin e sipërmarrjes në Tiranë dhe më tej.

Studentët gjithashtu formojnë lidhje mentorshipi me profesionistë nga komuniteti i bizneseve. Synimi i TET është të shtyjë nxënësit të mendojnë në mënyrë kritike që të punojnë me kualitet dhe në mënyrë të vazhdueshme. TET është i vetmi program i dizenjuar që të përfshijë nxënësit në të mësuarit praktik dhe të zgjojë interesin nëpërmjet komunitetit të tyre. Në vend që të flasim për sipërmarrjen në mënyrë abstrakte, TET i fton nxënësit të mësojnë në bizneset përreth tyre.

Si funksionon TET?

Tre ditë në javë, nga e Marta deri të Enjten, nxënësit takohen për 90 minuta në biznese në Tiranë. Gjatë këtyre vizitave ata përfshihen në diskutime me sipërmarrës dhe dëgjojnë folësit e ftuar. Përgjatë kursit kohor të TET secili nxënës zhvillon dy plane biznesi (një për biznesin në grup dhe një për atë personal) që u prezantohen bankierve dhe investuesve. Në përfundim të TET nxënësit paraqesin bizneset e tyre personale në Panairin Final nga Albania’s Business Generation.

Facilitatorët

Nxënësit e TET janë gjithnjë të shoqëruar gjithnjë nga të paktën një facilitator. Facilitatorët e TET janë profesionistë nga fusha e biznesit të cilët janë përkushtuar për të shoqëruar nxënësit përgjatë rrugëtimit të tyre në TET. Ata zotërojnë aftësi, njohuri, dhe lidhje në botën e biznesit vendas por më rendësishmja, ata janë ndërtues marrëdhëniesh. Këtë vit, TET ka dy facilitatorë. Njihi facilitatorët e TET më poshtë.

Eneriko Hajdaraj

Eneriko Hajdaraj është lead auditor i akredituar për sisteme manaxhimit dhe konsulent biznesi prej katër vitesh gjatë të cilave ka asistuar sipërmarrje në Shqipëri dhe Kosovë ku në sajë të përvojës së tij ka arritur që sipërmarrjet të promovohen në tregun ndërkombëtar. Eneriko është trajner i certifikuar për zhvillimin e aftësive ndërpersonale të sipërmarrësve. Ai është trajnuar në fusha si: planifikim biznesi dhe financiar, inovacion, manaxhim projektesh dhe fondesh publike dhe donator ndërkombëtar, etj. Eneriko është diplomuar në Tirana Business University, në fakultetin Administrim Biznesi.

Oltjon Valisi

Oltjon Valisi është pjesë e ekipit akademik për lëndët Sipërmarrja dhe Menaxhim Projekti si dhe Menaxher i Marketingut dhe Marrëdhënieve me Publikun pranë Tirana Business University (TBU). Më herët, Oltjoni është angazhuar si konsulent biznesi pranë EJ Business Consulting. Ai vijon të asistojë disa ekipe studentësh në rrugëtimin e tyre drejt sipërmarrjes përmes Inkubatorit të Biznesit në TBU.

Rreth Albania’s Business Generation

ABG është një organizatë e nisur nga 4 studentë në Mars të vitit 2016 për të fuqizuar sipërmarrjen tek të rinjtë shqiptarë. ABG nisi kampin e parë të sipërmarrjes në Shqipëri për gjimnazistë që të sillnin në jetë idetë e tyre. ABG ka përgjedhur 106 nxënës deri më sot për të qenë pjesë e programeve mbi sipërmarrjen nga 600+ aplikime në total.

https://youtu.be/qDpnqk-UU2k

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0