Tesla ul çmimet në të gjitha modelet e saj - Business Magazine Albania

Tesla ul çmimet në të gjitha modelet e saj

Për herë të tretë këtë vit Tesla ka ulur çmimet në të gjitha modelet e linjës, ndërsa kompania përpiqet të tërheqë më tepër blerës në mes të rritjes së normave të interesit.

Uljet më të mëdha që u shfaqën të premten në faqen e internetit të Tesla ishin 5,000 dollarë për automjet për modelet më të shtrenjta të kompanisë që kanë edhe një ritëm më të ngadaltë shitjes, sedani Model S dhe SUV-i Model X.

Kompania hoqi 2,000 dollarë nga çmimi i SUV-së Model Y, e që është modeli më i popullarizuar, dhe shtoi një version me dy motorë me kosto më të ulët me çmim 49,990 dollarë. Model 3 mori një ulje çmimi prej 1,000 dollarësh.

Lexo edhe: Pse po bien çmimet e makinave elektrike? Arsyeja do t’ju surprizojë

Këto lëvizje vijnë pasi shitjet e Tesla-s në tremujorin e parë u rritën me 36 për qind, por nuk kishin pritshmëritë e analistëve. Kompania tha të dielën se dërgoi një rekord prej 422,875 veturash në mbarë botën nga janari në mars, pak më shumë se 310,000 të tilla një vit më parë.

Por në fakt rritja në fjalë kishte shifër më të vogël se ajo nga vlerësimet e analistëve, të cilët sipas FactSet parashikuan një dërgesë prej 432,000 veturave për tremujorin e parë.

Analisti i e-Mobility i Guidehouse Research Sam Abuelsamid tha se uljet janë një shenjë e ngadalësimit të kërkesës për Tesla. Sipas tij, kompania duhet të shesë më shumë vetura për të mbajtur fabrikat e saj të funksionojnë me kapacitet të plotë për të mbrojtur marzhet e larta të fitimit.“Përdorimi i përgjithshëm i fabrikave të pashfrytëzuara konsumon marzhin në një mënyrë jashtëzakonisht shpejt,” tha ai. / CNBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0