Kohë më parë, Tesla ka bërë të ditur se do të sjellë edhe versionet e fuqishme të Model 3 dhe Model X, pa dhënë datë të caktuar se kur mund të lançohen.
Atyre që nuk i’u pritet të shohin se si do të jenë këto makina, punëtoria që merret me modifikimin e makinave Tesla, Unppluged Performance, e ka fuqizuar një Model 3 në masë të madhe.
Në brendi të kësaj makine është punuar shumë, duke filluar nga një mbështjellës i përshtatshëm për sistemin e pezullimit, sforcimin e platformës ku qëndrojnë rrotat dhe rritjen e mundësisë për frenim.
Lexoni:
https://businessmag.al/shoferi-i-makines-tesla-kapet-duke-fjetur-gjate-vozitjes-ne-autostrade/
Gomat origjinale i janë zëvendësuar me Michelin Cup 2 që kanë nga 20 inç, në rrotat e reja 6061-T6 që i shohim te disa makina Koenigsegg.
Disa pjesë metalike në pjesën e përparme dhe të pasme, janë zëvendësuar me shtresa më të lehta me fibra karboni, që i shohim edhe në disa mbrojtëse anësore. Brenda kabinës janë vënë ulëset sportive, si dhe rripat më të fuqishëm të sigurisë.
Këto ndryshime, bashkë me motorin elektrik që prodhon 450 kuaj fuqi, i ndihmojnë Tesla Model 3 që shpejtësinë nga zero deri në 100 kilometra në orë ta arrijë për 3.2 sekonda, derisa shpejtësinë maksimale e ka 260 kilometra në orë.
Të interesuarit për modifikimin e veturave të tyre, duhet të paguajnë së paku 31,500 euro, ndërsa duhet të presin nga katër deri në tetë javë, derisa të ketë përfunduar rregullimi në tërësi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
