Gjatë vitit të kaluar Elon Musk vendosi rekorde duke rritur pasurinë me hapin më të shpejtë në histori. Por, e kundërta po ndodh gjatë këtij viti. Shefi Ekzekutiv i Tesla Inc. ka humbur 27 miliardë dollarë që nga e hëna për shkak të rënies së aksioneve të kompanisë së prodhimit të automjeteve elektrike.
Megjithatë, pasuria e tij neto prej 156.9 miliardë dollarë vijon të jetë në vendin e dytë sipas Indeksit të Miliarderëve të Bloomberg, por tashmë është rreth 20 miliardë dollarë prapa Jeff Bezos. Aksionet e Tesla u rritën me 743% në vitin 2020, duke rritur ndjeshëm vlerën e pronësisë të Musk.
LEXO: Elon Musk nuk është më personi i dytë më i pasur në botë, zbuloni kush e kaloi
Fitimet u përshpejtuan edhe në fillim të këtij viti dhe kjo bëri që Elon Musk të kalonte Bezos, si personi më i pasur në botë. Fitimet e vazhdueshme tremujore fitorja e Joe Biden në zgjedhjet presidenciale dhe programi i tij për energji të pastër dhe teknologji mbështetën më tej rritjen e aksioneve të Tesla. Gjithashtu, edhe luhatjet e shumta në tregun e kriptomonedhave kanë lëkundur pasurinë e Musk. Muajin e kaluar, Tesla njoftoi se kishte investuar 1.5 miliardë dollarë në Bitcoin dhe shumë shpejt do të pranojë edhe pagesa të këtë kriptovalutë.
Ekspertët e ekonomisë e lidhin rënien e aksioneve të Tesla me rritjen e yield-eve pasi investitorët mendojnë se nuk do të ishte zgjedhje e mirë të investosh në një kompani në raste të tilla kur nuk dihen kostot. Gjithashtu, ranë aksionet e Nasdaq 100, bashkimi i kompanive teknologjike.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
