Sipas The Wall Street Journal, departamenti i transportit të Kong Kong-ut, regjistroi 2939 Tesla të reja në Mars, dhe 0 në Prill. Kjo, pasi një taksë e re për makinat elektrike u aplikua që nga data 1 Prill.
Lexoni: Asnjë makinë me naftë ose benzinë nuk do të shitet në Francë pas vitit 2040
Kjo taksë aplikohet në momentin e blerjes së një makine të re, dhe në disa raste, kushton sa vetë makina. Deri para pak kohësh, ky treg ishte tepër atraktiv për Tesla, por ky ligj u aplikua për të mbrojtur atë që quhet traffic congestion. Ky ligj, thuhet se do të qëndrojë në fuqi për vit, deri në mars 2018, por qeveria thotë se do ta rishikojë atë.
Në vend që ta kthejë mbrapa këtë ligj, qeveria ofron një ulje maksimale të taksës prej HK$97,500 ose rreth US$12,500.
Lexoni: Fundi i të qënit pronar i makinës tënde
Numri i makinave Tesla të regjistruara, tregon se tregu reagoi mirë ndaj saj në muajt paraardhës. Në Dhjetor 2016 dhe Janar 2017, u regjistruan 168 Tesla për çdo muaj. Në Shkurt 590 dhe në Mars shpërtheu në 2939.
Këto lajme, reflektojnë edhe një herë rëndësinë e qeverive dhe incentivave të tyre. Në vitin 2016, Danimarka vendosi përsëri taksën për makinat elektrike dhe pa një rënie prej 68%. Por mbështetja e qeverive nuk do të jetë gjithmonë kaq shumë e nevojshme. Bloomberg New Energy Finance raportoi se deri në vitin 2025 bateritë do të jenë mjaftueshëm të lira që të konkurojnë me makinat me djegie të brendshme. Gjithashtu, parashikohet që makinat elektrike t’ia kalojnë atyre në 20 vitet e ardhme.
Lexoni: Tesla gati për të zbuluar Model 3
Tesla aktualisht është në një pozicion të çuditshëm. Kompania është gati të nxjerrë në treg Model 3, makinën e saj më të lirë. Por, gjithashtu është gati të nxerrë nga tregu modelet e saj luksoze më të vjetra. Vitin e kaluar, i vendosi vetes një qëllim tepër ambicioz. 47.000-50.000 blerje të Model S dhe X në gjysmën e parë të vitit 2017. Javën e kaluar, tha se kishte shitur 22.000 mjete në çerekun e dytë. Kurse në çerekun e parë, 25418 mjete.
Burimi: ArsTechnica
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English