Jeni lodhur nga telefonat gjigant? Kjo që do t’iu tregojmë është krejt e kundërta.
Jelly, i quajtur si telefoni 4G më i vogël në botë sipas Unihertz, është absolutisht minimalist krahasuar me telefonat si Galaxy S8 dhe iPhone7. Ekrani mund të duket i vogël, por ky është vërtet një telefon i fuqishëm.
I disponueshëm në ngjyrë të bardhë, blu ose të zezë, telefoni ka të gjithë parametrat e një smartphone-i normal Android dhe vepron me Android 7.0 Nougat me akses në shumicën e aplikacioneve të Google Play Store.
Ai ka një proçesor 1.1 GHz, deri në 2GB RAM, 16GB memorie (mund të zgjerohet deri në 32GB me një kartë microSD) dhe dy karta SIM nano. Kamera e tij e përparme është 2-megapixel dhe ajo e pasme 8-megapixel.
Megjithatë, karakteristika e tij më e mahnitshme është kohëzgjatja e baterisë. Unihetz thotë se përdorimi i saj arrin mesatarisht deri në 3 ditë nga përdorimi i përditshëm dhe deri në shtatë ditë nga bateria e vogël zëvendësuese 950 mAh. Fantastike kur e krahason me telefonat si iPhone 7 (1,960 mAh) dhe Galaxy S8 (3,000 mAh) që zgjasin vetëm 1-1,5 ditë me një karikim.
Unihertz shprehet se telefoni është i përsosur, ndyshe nga që smartphone i madh, i shtrenjtë dhe i hollë që është jopraktik. Jelly është i mirë për përdorim gjatë udhëtimeve, stërvitjes, ose për fëmijët.
Ja si duket Jelly krahasuar me një iPhone 7 Plus dhe një Coca-Cola:
Telefoni u lançua në Kickstarter këtë muaj dhe tashmë ka arritur të grumbulloj më shumë se 180,000$. Çmimi i tij në Kickstarter është 69$ dhe çmimi i planifikuar i shitjes me pakicë është 109$.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
